Agosti 29, 2025, Dada Oksana Chausova aliachiliwa kutoka gerezani nchini Urusi. Alihukumiwa kifungo cha miaka miwili na miezi sita, Desemba 2, 2024. Baada ya kukata rufaa, kifungo chake kilipunguzwa kikawa kifungo cha mwaka mmoja na miezi kumi. Kwa kuwa alikaa kizuizini na pia kwenye kifungo cha nyumbani kwa muda, kifungo chake sasa kimekamilika.

Dmitriy, mume wa Oksana, alikuwa amehukumiwa katika kesi ileile ambayo Oksana alishtakiwa. Dmitriy aliachiliwa kutoka gerezani Mei 26, 2025. Oksana na Dmitriy walikuwa wametenganishwa kwa miaka miwili hivi. Hata hivyo, kwa kuwa Dmitriy yuko chini ya vizuizi vya kusafiri, hangeweza kwenda kumpokea Oksana alipoachiliwa huru.

Dmitriy alisema hivi kuhusu jinsi hali hiyo ilivyowaathiri: “Kwa upande mmoja, tumepata maumivu makali. Lakini bado tuna shangwe sana. Hali hii imetusaidia kuona jinsi kila mmoja wetu anavyomthamini sana mwenzake na jinsi tunavyothamini uhusiano wetu na Yehova. Bila msaada wa Yehova, hatungeweza kuvumilia. Yehova aliwatumia ndugu na dada zetu kutusaidia katika njia ambazo zilitushangaza sana.”

Tunafurahi kwamba Oksana ameungana tena na wapendwa wake. Na tunafarijika kujua kwamba Yehova hawaachi kamwe watumishi wake washikamanifu na kwamba anaendelea kuwasaidia kuvumilia majaribu yote wanayokabili.​—2 Wakorintho 4:8, 9.