NOVEMBA 28, 2024
URUSI

“Atanipatia Kile Ninachohitaji”

CHEZA

Novemba 19, 2024, Mahakama ya Wilaya ya Industrialniy iliyo katika Eneo la Altai ilimhukumu Ndugu Vitaliy Manuylov kifungo cha miaka miwili na kazi ya kulazimishwa. Atahitaji kukaa gerezani na atakuwa akienda kufanya kazi alizopangiwa katika jamii.

Maelezo Mafupi Kumhusu

Vitaliy Manuylov

Alizaliwa: 1972

Alibatizwa: 2000

Maisha Yake: Alikuwa fundi bomba. Alifunga ndoa na Marina mwaka wa 1994

Vitaliy ndiye Shahidi pekee katika familia yake

Mashtaka: Kushiriki katika mikutano ya Mashahidi wa Yehova

Alikuwa kwenye kifungo cha nyumbani kwa zaidi ya miezi mitatu

Hukumu: Miaka miwili ya kazi ya kulazimishwa

Maelezo ya Kibinafsi

Ni mstari gani wa Biblia ambao umekugusa moyo zaidi katika kipindi hiki?

Nimekuwa nikifikiria sana maneno ya Zaburi 139:16: “Macho yako hata yaliniona nikiwa kiinitete.” Yehova ananijua kuliko mtu mwingine yeyote na alinijua hata kabla ya kuzaliwa. Anaelewa vizuri mambo ninayoogopa na mambo ninayoweza kufanya na yale ambayo siwezi. Yeye hujibu sala zangu na kunisaidia hata katika njia ambazo sijawahi kufikiri. Hilo linanisadikishia kwamba sihitaji kukimbia majaribu. Badala yake, nina uhakika kwamba Yehova akiruhusu jambo lolote linipate, atanipatia kile ninachohitaji ili kuvumilia.

Tunajua kwamba Yehova anasikiliza na kujibu sala zetu za kuomba msaada na hilo linatutia moyo tuendelee kuwa na uhakika kwake.—1 Yohana 5:14, 15.

Huenda Ukapenda Pia

HABARI ZA ULIMWENGUNI POTE

Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo

Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.