“Mateso Yamenifanya Niwe Karibu Zaidi na Yehova”

CHEZA

Oktoba 17, 2025, Mahakama ya Wilaya ya Razdolnenskiy iliyo katika Jamhuri ya Crimea ilimhukumu Dada Tamara Brattseva kifungo cha nje cha miaka sita na miezi mitatu. Hahitaji kwenda gerezani wakati huu.

Maelezo Mafupi Kumhusu

Tamara Brattseva

Alizaliwa: 1955 (Muungano wa Sovieti)

Alibatizwa: 1995

Maisha yake: Alikuwa mhandisi na kazi yake ilihusisha kuhakikisha kuna usalama katika maeneo ya kazi. Alifunga ndoa na Aleksandr mwaka wa 1975. Wana binti mmoja. Tamara ni Shahidi wa Yehova pekee katika familia yake

Mashtaka: Kupanga na kushiriki mikutano ya kidini ya Mashahidi wa Yehova kupitia video mtandaoni na kuzungumza na wengine kuhusu Biblia

Hukumu: Kifungo cha nje cha miaka sita na miezi mitatu

Maelezo ya Kibinafsi

Hali ulizokabili zimekusaidiaje kuboresha uhusiano wako na Yehova?

Mimi hufarijiwa na maneno ya Isaya 26:3, inayosema: “Utawalinda wale wanaokutegemea kikamili; utawapa amani inayodumu, kwa sababu wanakutumaini wewe.” Ninapomtegemea Yehova, yeye hunisaidia nisiwe na wasiwasi kupita kiasi kuhusu kile nitakachosema mahakamani au kuhusu mambo yatakayonipata wakati ujao. Kupitia msaada wa roho yake, mimi huendelea kuwa mtulivu ninaposhtakiwa kwa madai ya uwongo au mambo mabaya kunihusu yanaposemwa mahakamani. Sina kinyongo kumwelekea mwendesha-mashtaka au kumwelekea hakimu. Kwa njia nyingi, mateso yamenifanya niwe karibu zaidi na Yehova, na ninafurahi sana kuwa karibu naye.

Kama Tamara, tunatiwa moyo kwa sababu tunajua kwamba tukimtegemea Yehova ataendelea kutuonyesha upendo mshikamanifu na kutusaidia.—Zaburi 59:9, 10.

“Mateso Yamenifanya Niwe Karibu Zaidi na Yehova”

Maelezo Mafupi Kumhusu

Chagua Lugha Yako