Machi 28, 2025, tetemeko kubwa la ardhi lenye kipimo cha 7.7 liliipiga Myanmar. Tetemeko hilo na matetemeko mengine madogo yaliyotokea baadaye yalisababisha uharibifu mkubwa wa madaraja, majengo, na barabara kotekote katika jiji la Mandalay. Ripoti kutoka katika nchi hiyo zinaonyesha kwamba zaidi ya watu 3,400 walijeruhiwa, wengine 300 hivi hawajulikani waliko na zaidi ya watu 1,700 walikufa.

Isitoshe, tetemeko hilo kubwa la ardhi lilifika jijini Bangkok, Thailand, umbali wa kilomita 1,300 hivi kutoka Myanmar, na kusababisha jengo refu la ghorofa kuanguka. Watu 18 walikufa nchini Thailand, 33 wakajeruhiwa, na zaidi ya 75 bado hawajulikani waliko.

Athari Ambazo Ndugu na Dada Zetu Wamepata

Myanmar

• Kwa kusikitisha kuna mume na mke waliokufa

• Wahubiri 9 walijeruhiwa

• Wahubiri 142 walilazimika kuhama makazi yao

• Nyumba 6 ziliharibiwa kabisa

• Nyumba 25 zilipata uharibifu mkubwa

• Nyumba 52 zilipata uharibifu mdogo

• Majumba 2 ya Ufalme yalipata uharibifu mkubwa

• Majumba 4 ya Ufalme yalipata uharibifu mdogo

Thailand

• Hakuna ndugu au dada yetu aliyekufa kutokana na tetemeko hilo

• Wahubiri 2 wamejeruhiwa

• Wahubiri 52 wamelazimika kuhama makazi yao

• Nyumba 4 zilipata uharibifu mkubwa

• Nyumba 69 zilipata uharibifu mdogo

• Majumba 8 ya Ufalme yalipata uharibifu mdogo

Jitihada za Kutoa Msaada

• Waangalizi wa mzunguko na wazee wa maeneo hayo wanatoa msaada wa kiroho na wa kimwili kwa walioathiriwa

• Halmashauri 1 ya Kutoa Msaada imewekwa rasmi nchini Myanmar ili kusimamia kazi ya kutoa msaada

Tunasikitishwa na vifo na uharibifu uliosababishwa na tetemeko hilo la ardhi. Tukiwa na imani yenye nguvu katika ahadi za Mungu, tunatazamia wakati ujao ambapo “sauti ya kulia na ya maombolezo kwa sababu ya taabu haitasikika tena.”​—Isaya 65:19.