Mahali

Louisiana na kusini-mashariki mwa Texas

Janga

• Oktoba 9, 2020 dhoruba hiyo ilipiga kusini-magharibi ya Louisiana na kusababisha uharibifu wa ziada katika maeneo yaliyokuwa tayari yamekumbwa na Kimbunga Laura

• Kimbunga hicho kilitokeza mvua kubwa na upepo mkali ambao ulisababisha mafuriko makubwa na kukatiza umeme katika maeneo mengi

Athari ambazo ndugu na dada zetu wamepata

• Wahubiri 1,583 wamelazimika kuhama makao yao

Uharibifu wa mali

• Nyumba 216 na Majumba 16 ya Ufalme yaliharibiwa kwa kadiri ndogo

• Nyumba 7 zilipata uharibifu mkubwa

• Nyumba 3 ziliharibiwa kabisa

Jitihada za kutoa msaada

• Waangalizi wa mzunguko na wazee wa eneo hilo wanawasaidia ndugu na dada wanaohitaji chakula, maji, makao, na msaada mwingine. Jitihada zote hizo zinaungwa mkono na Halmashauri ya Kutoa Msaada iliyokuwa tayari imeteuliwa ili kushughulikia Kimbunga Laura. Ndugu zetu wanaendelea kuwa waangalifu kwa kufuata miongozo yote ya kujilinda dhidi ya COVID-19

Wazee wa eneo hilo pia wameongeza jitihada zao za kufanya uchungaji. Mzee mmoja alisema hivi: “Inapendeza sana kuona jinsi Yehova amekuwa akiwaimarisha ndugu na dada hawa. Ni wazi kwamba hizi ndizo ‘nguvu zinazopita zile za kawaida.’”—2 Wakorintho 4:7.

Tunamshukuru Yehova kwamba anaendelea kuwa “kimbilio na ulinzi” kwa ndugu na dada zetu wapendwa ambao wameathiriwa na vimbunga vilivyotokea karibuni.—Isaya 4:6.