Septemba 25, 2025, Kimbunga Bualoi a kilifika kwenye nchi kavu katika Jimbo la Samar Mashariki nchini Filipino. Kimbunga hicho kiliambatana na mvua kubwa na upepo uliokuwa ukivuma kwa kasi ya kilomita 165 kwa saa. Hali hizo zilisababisha mafuriko, maporomoko ya ardhi, na uharibifu mkubwa wa nyumba na barabara katika maeneo mengi ambayo kimbunga hicho kilipita. Wenye mamlaka wanakadiria kwamba watu milioni 2.1 hivi waliathiriwa. Kwa kusikitisha, watu 13 walikufa nchini Filipino.

Athari Ambazo Ndugu na Dada Zetu Wamepata

• Hakuna ndugu au dada yetu aliyekufa au kujeruhiwa

• Wahubiri 142 walilazimika kuhama makazi yao

• Nyumba 53 ziliharibiwa kabisa

• Nyumba 104 zilipata uharibifu mkubwa

• Nyumba 187 zilipata uharibifu mdogo

• Jumba 1 la Ufalme lilipata uharibifu mkubwa

• Majumba 7 ya Ufalme yalipata uharibifu mdogo

Jitihada za Kutoa Msaada

• Waangalizi wa mzunguko na wazee wa eneo hilo, wanaendelea kushughulikia mahitaji ya kiroho na ya kimwili ya walioathiriwa na kimbunga hicho

• Halmashauri 3 za Kutoa Msaada zinasimamia jitihada za kutoa msaada

Katika kipindi hiki kigumu, tuna uhakika kwamba Yehova ataendelea kuwaimarisha ndugu na dada zetu ambao wameathiriwa na kimbunga hicho nchini Filipino.​—Wafilipi 4:13.