Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 7

Muxu nanse sɔtɔma muxu xa malanɲie ma ?

Muxu nanse sɔtɔma muxu xa malanɲie ma ?

Nouvelle-Zélande

Japon

Ouganda

Lituanie

Ɲɛ kɛmɛ singe ma, isayankae xa malanɲie mu nu na xulunɲi xamu ra. Malan tɛmui ma e nu bɛɛti, sali, xaranɲi nun wɔyɛnɲi fatanfe Kitaabui ra nan rabama (Korinti I 14:26). Muxu fan xa malanɲie rabama naki nɛ.

Xaranɲi naxan fatanxi Kitaabui ra. Sande yoo sande, danxaniyatɔɛ ɲama e malan ma alako e xa Kitaabui xa wɔyɛnɲi ramɛ han miniti 30 naxan Kitaabui tide masenma e bɛ to e xa duniɲɛigiri kui. Birin ralimaniyaxi na sigirɛe xaranfe ra a xa Kitaabui kui. Na wɔyɛnɲi dangi xanbi, e danxaniyatɔɛe ɲama maxilima e xa e gbe raso “ Taa Yitexi Kantaxi xaranɲi yama. Na lɛɛri keren xaranɲi fatanfe ra yi buki ma naxan xili La Tour de Garde, muxu malima Kitaabui xa sɛriyɛe rabatufe ra muxu xa duniɲɛigiri kui. Na buki keren nan xaranxi danxaniyatɔɛ xa malan banxi 110 000 kui duniɲa ma.

E muxu raxaranma alako muxu xa nɔ boree fan raxarande. Lɔxun ma muxu na muxu malanma nunmare keren ma xaranɲi dɔxɔde saxan xa fe ra. A singe fɔlɔma danxaniyatɔɛ ɲama xa Kitaabui xaranɲi nan ma, na xaranɲi buma han miniti 30, a rabama kɔston nun yaabi nan na naxan nɔma muxu malide muxu xa muxu xa kolonɲi xunmasa Kitaabui xa sɛriyɛe ma anun namiɲɔmɛe xa masenɲie ma. A firinde, Xaranɲi naxan fatanxi kawandi wali ra, na fan buma han miniti 30. A fɔlɔma Kitaabui xaranfe nan ma danxaniyatɔɛe naxan xaranma beenun e xa fa salide. Xarandie naxee xili sɛbɛxi na xaranɲi ma, nee nan masenɲie ndee masenma naxee fatanxi kawandi wali ra. E na gɛ xunmati na naa naxan e rasima alako a xa e mali e nɔma e xa wɔyɛnɲi nun e xa xaranɲi xunmasade ki naxɛ (Timote I 4:13). A donxɔɛ ra, miniti 30 ma, wɔyɛnɲie, masenɲie nun maxɔrinɲie saabui ra, malan kɛwali muxu matinkanma mixi gbɛtɛe raxaranfe ra Kitaabui ra.

Wo na siga muxu xa malanɲie, muxu Kitaabui xa xaranɲi naxan sɔtɔma naa, nɔma wo rakabade. — Esayi 54:13, TMN.

  • Muxu xa malanɲie dangima di ?

  • A xɔli wo ma wo xa siga muxu xa malanɲi singe mundu ma ?