Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 22

Muxu xa buro xungbe wali mundu rabama ?

Muxu xa buro xungbe wali mundu rabama ?

Île Salomon

Canada

Afrique du Sud

Wali wuyaxi naxee rabama muxu xa buro xungbe kui, naxan fan xili Betɛli xa na mu ara filiyali kawandi wali naxan rabama bɔxie kui, nan xun matoma : alo xui madangife, bukie rafalafe, bukie fate rafalafe, bukie xanife yire gbɛtɛ, filimue yayilanfe anun fe gbɛtɛe fan yayilanfe.

A muxu xa walie xun malanma filiyalie nan xa saabui ra. Xunmati xaxilima sugandixi, muxu xa buro xungbe xa wali taxuxi filiyalie xunmati nan na, danxaniyatɔɛ ɲama xunmati saxan nan luma a xun. Na filiyalie xunmatie nan Xunmati xaxilima sugandixi rakolonma mixie xa kawandi wali fanɲi ma anun kɔntɔfilie naxee na na walie xa fe ra na bɔxi ma naxee na e xa yaamari bun ma. Na dantɛgɛ a niyama Xunmati xaxilima sugandixi, xa nɔ a kolonde e lanma e xa masenɲie naxee sɛbɛ bukie kui anun e nɔma naxan falade malanɲie ma. Xunmati xaxilima sugandixi xa santigie sigama lɛɛri birin na buro xungbe kui alako e xa filiyali xunmatie mali e xa wali kui (Taalie 11:14, TMN). Malanɲi naxan na a xatima tɛmui, muxu xa buro xungbe xa santigi keren Yehowah xa Seedee naxee na bɔxi ma, ralimaniyama wɔyɛnɲie ra naxee fatanxi Kitaabui ra.

A danxaniyatɔɛ ɲama naxee naa na bɔxi ma malima. Na buro xungbee kui, muxu ngaxakerenmae xamɛe na naa naxee tinma danxaniyatɔɛ ɲama malande nɛɛnɛe rabife ma, e tan nan man kawanditie, kawandilae naxee a farima nun circonscription xunmatie xa walie xun matoma. E ta nan muxu xa malanɲie xungbe xun malanma, e muxu xa malan banxie tima e man bukie rasanbama danxaniyatɔɛ ɲama ma alako e xayi xa fan. Wali naxe birin rabama na buro xungbe kui, a rabama nɛ alako kawandi wali birin xa raba a raba ki ma sɛriyɛ ra. — Korinti I 14:33, 40.

  • Filiyalie xunmatie, Xunmati xaxilima sugandixi, malima di ?

  • Buro xungbe xa wali na nanse ra ?