Xunmati xaxilima sugandixi ɲɛ kɛmɛ singe

Xunmati xaxilima sugandixi xa bataaxɛ xaranɲi

Ɲɛ kɛmɛ singe, “ Darisalamu xɛɛrae nun xunmatie ” nu na xunmati xaxilima sugandixi nan na, ba e tan nan nu lanma fe keren ma naxan fatanxi isayankae sugandife ra na waxati (Xɛɛrae xa taruxui 15:2). E nu katama alako e xa lan fe keren ma. Na ma, e nu Kitaabui kui matoma e man fa Ala xaxili sɛniyɛnxi luna a xa e raɲɛrɛ (Xɛɛrae xa taruxui 15:25). Xunmati xaxilima sugandixi na nan rabama to fan.

Ala isayanka xun malanxi ndee yusima alako e xa a waxɔnfe raba. Isayankae sugandixi naxee findixi Xunmati xaxilima sugandixi ra, Ala xa Kitaabui rafanxi. Lɔnnila nan e ra kɔston yaabife ma naxee fatanxi diinɛ ra anun duniɲa xa kontɔfili. Xunmati xaxilima sugandixi e malan ma lɔxun yoo lɔxun e xa Yehowah xa Seedee xayie mato duniɲa birin kui. Alo ɲɛ kɛmɛ singe, e nu faxaamui fima naxan fatanxi Kitaabui ra, e nu na rabama bataaxɛ nun xunmati naxee biyaasi ma xa saabui nan na. Na nu lanɲi na sama danxaniyatɔɛ tagi a man nu e malima e xa fe rabaki ma (Xɛɛrae xa taruxui 16:4, 5). Xunmati xaxilima sugandixi mixie ralimaniyama kawandi tife ra e man mɛɛnima Ala xa lɔnni ma e man mixie sugandima danxaniyatɔɛ ɲama yama e wali taxu nee ra.

Xunmati xaxilima sugandixi Ala xaxili sɛniyɛnxi luma na a xa e raɲɛrɛ. E Yehowah, se birin marigi nun Isa, danxaniyatɔɛe ɲama kuntigi, xa kiraya nan fenma (Korinti I 11:3 ; Efɛsɛ 5:23). Na Xunmati xaxilima sugandixi mu e yɛtɛ findixi Ala xa ɲama kuntigi ra. E tan nun isayanka boree naxee sugandixi “ birama na Yɛxɛɛyɔrɛ fɔxɔ ra yire birin ”. (Waxayi 14:4.) Won sali naxan rabama fatanfe Xunmati xaxilima sugandixi xa fe ra, e kolonma won bɛ.

  • Ɲɛ kɛmɛ singe, nde nu na xunmati xaxilima sugandixi ra ?

  • To fan Xunmati xaxilima sugandixi Ala xa kiraya fenma di ?