Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 11

Munfe ra muxu sigama malanɲi xungbe ma ?

Munfe ra muxu sigama malanɲi xungbe ma ?

Mexique

Allemagne

Botswana

Nicaragua

Rɔma

Munfe ra yi mixie sɛɛwaxi ? Barima e na muxu xa malanɲi xungbe nde nɛ. Alo Ala batulae singe, a fala naxee bɛ a e xa e malan sanbaya saxan ɲɛ bun ma, muxu fan muxu xa malanɲi xungbe nan mɛmɛfe (Sɛriyɛ firinyande 16:16, TMN). Muxu fan malanɲi xungbe saxan nan muxu bɛ ɲɛ keren bun : xi keren malanɲi xungbe naxan rabama sanbaya firin ɲɛ keren bun ma anun taa malanɲi xungbe naxan rabama xi saxan bun ma. E munafanɲi mundun na muxu bɛ ?

E muxu masoma muxu boree ra. Alo Isirayilakae nu ɲaxalima ki naxɛ Ala batude “ ɲama gbegbe yama malanɲi kui ”, muxu fan ɲaxalima naki nɛ muxu nɛ Ala batuma muxu boree yama nan malanɲi xungbee kui (Zabur 26:12 ; 111:1, TMN). Na malanɲie a niyama muxu xa danxaniyatɔɛ gbɛtɛe to, xa na mu ara naxee kelixi yire gbɛtɛ. Muxu xa malabui waxati, muxu na muxu dɛgema yire keren, muxu man lu yire keren ɲaxalinɲi nun bere kui (Xɛɛrae xa taruxui 2:42). Na malanɲie waxati, muxu na muxu xa xanunteya yati masenma muxu “ ngaxakerenyie ” bɛ duniɲa yire birin. — Piyɛri I 2:17.

A muxu xa kolonɲi naxan fatanxi Ala ra xunmasama nɛ. Isirayilakae fan nu sɛɛwama “ barima e nu bara na masenɲie faxaamu ” naxee nu fatanfasixi e bɛ (Nehemiya 8:8, 12, TMN). Alo e tan, muxu masenɲi naxee ramɛma na malanɲi xungbee muxu ɲaxalima. Na masenɲi birin fatanxi Kitaabui nan na. Wɔyɛnɲie nun pɛsɛe naxee fatanxi Kitaabui xa saabui ra, e muxu matinkanma muxu nɔma Ala waxɔnfe rabade ki naxɛ muxu xa duniɲɛigiri kui. Safe na fari, naxee Yehowah waxɔnfe rabama yi duniɲa waxati xɔrɔxɔɛ, xa seedeɲɔxɔya muxu ralimaniyama. Muxu xa taa malanɲi xungbe, na pɛsɛe naxee fatanxi Kitaabui ra findixi misaali nun marasi nan na muxu bɛ. Na malanɲie ma, naxee bara Ala xa fe suxu, e man a masen ɲama birin ya xɔri, nee nan xunxa ma ye xɔɔra.

  • Munfe ra muxu ɲaxalima sigafe ra muxu xa malanɲi xungbee kui ?

  • Muxu xa malanɲi xungbee munafanɲi na nanse ra wo bɛ ?