Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 12

Muxu xa xibaaru fanɲi kawandife raɲɛrɛki na di ?

Muxu xa xibaaru fanɲi kawandife raɲɛrɛki na di ?

Espagne

Biélorussie

Hong Kong

Pérou

Beenun a xa faxa, Isa a fala nɛ a : “ Ala xa mangɛya niini xibaaru fanɲi kawandima nɛ duniɲa birin kui, a findi seedeɲɔxɔya ra sie birin bɛ. Na xanbi, duniɲa raɲɔnɲi fama a lide. ” (Matiyu 24:14). Kɔnɔ na xibaaru fanɲi kawandife duniɲa birin kui rabama di ? Muxu biraxi Isa xa misaali nan fɔxɔ ra. — Luki 8:1.

Muxu sigama banxi dɛ yoo banxi dɛ. Isa a fɔxirabirɛe matinkan nɛ xibaaru fanɲi kawandife ra banxi dɛ yoo banxi dɛ (Matiyu 10:11-13 ; Xɛɛrae xa taruxui 5:42 ; 20:20). Danxaniyatɔɛ ɲama singe xa longorie nu na e nu lanma e xa naxee rawali (Matiyu 10:5, 6 ; Korinti II 10:13). To fan, muxu xa xibaaru fanɲi kawandi wali xun malanxi a fanɲi ra. Danxaniyatɔɛ ɲama birin xa longori na e lan e xa naxan rawali. Isa wali naxan taxuxi muxu ra : “ muxu xa kawandi ti mixie bɛ ” muxu wama na wali rakamalife ki fanɲi ra. — Xɛɛrae xa taruxui 10:42.

Xibaaru fanɲi kawandi wali kiya gbɛtɛ. Isa nu xibaaru fanɲi kawandima ɲama nu gboxi dɛn naxɛ, hali a findi baa fɛma xa na mara kɔlɔnɲi fɛma (Maraki 4:1 ; Yaya 4:5-15). Muxu nɔma birade a xa misaali fɔxɔ ra xa muxu Ala xa fe fala mixie bɛ muxu lu dɛdɛ : turuti ma, mixie xa walide xa na mu ara telefɔni kui. Muxu man nɔma Ala xa fe falade muxu dɔxɔ booree bɛ, muxu wali booree bɛ, muxu xaran booree bɛ, xa fɛɛrɛ lu muxu bɛ waxati birin. Na katɛ birin saabui ra, mixi gbegbe bara na ‘ xibaaru fanɲi naxan mixi rakisima ’ ramɛ duniɲa birin kui. — Zabur 96:2, TMN.

A xɔli wo ma wo xa na xibaaru fanɲi nun a fama naxan rabade tina xa fe fala nde bɛ ? Wo naxa na xibaaru fanɲi ragata wo gbe ra. Wo a kawandi boree fan bɛ !

  • “ Xibaaru fanɲi ” mundu lan a xa kawandi ?

  • Muxu biraxi Isa xa misaali mundu fɔxɔ ra kawandi tife ra ?