Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 1

Nde Yehowah xa Seedee ra ?

Nde Yehowah xa Seedee ra ?

Danemark

Taiwan

Vénézuéla

Inde

Wo Yehowah xa Seedee xasabi yeri kolon ? Tɛmunde a n dee findixi wo dɔxɔ booree nan na, xa na mu ara wo wali booree, xa na man mu ara wo xaran booree. Wo nun a n dee naralanxi nɛ e naxa Kitaabui xa fe fala wo bɛ. Nde yati muxu ra ? Munfe ra muxu na muxu xa diinɛ fe falama birin bɛ ?

Muxu luxi nɛ alo mixi birin. Muxu birin mu kelixi yire keren. Muxu yama a n dee nu naa diinɛ gbɛtɛ, ndee fan mu nu laaxi Ala ra. Beenun muxu xa findi Yehowah xa Seedee ra, muxu birin, waxati wuyaxi nan tongoxi alako muxu xa Kitaabui xa xaranɲie fasari (Xɛɛrae xa taruxui 17:11). Muxu naxan xaranxi muxu bara laa na ra, muxu naxa Yehowah batufe sugandi muxu yɛtɛ ra.

Kitaabui xa xaranɲi munafanɲi na muxu bɛ. Kɔntɔfili nun sɛnbɛtareya na muxu fan ma alo mixi birin. Kɔnɔ lɔxɔ yoo lɔxɔ, muxu wakilima ɲɛrɛfe ra Kitaabui xa marasie kui, muxu bara a to a na marasie bara muxu xa duniɲa raɲɛrɛ ki masara a fanɲi ra (Zabur 128:1, 2, TMN). Na nan a niyaxi muxu fe fanɲi naxee xaranxi Kitaabui kui muxu sa na falama birin bɛ.

Muxu hagigɛe kelixi Ala nan ma. Na hagigɛe, naxee naa Kitaabui kui, mixi malima a xa fanɲi kui, a boree binyafe ra anun fe rabaki ndee rabafe ra alo tinxinɲi nun fe fanɲi. Na hagigɛe mixie malima e xa findi bɔxi die fanɲi ra, a man lanɲi nun yuge fanɲi ralimaniyama. Muxu bara laa ara a “ Ala mu mixi yoo rafisaxi a bore bɛ ”, muxu findixi ngaxakerenɲie nan na duniɲa yire birin, siɲɔxɔya gere nun mangɛya fenfe mu na muxu yama. Wo dɔxɔ booree nan muxu ra, kɔnɔ, na birin kui muxu findixi ɲama kerenɲi nan na duniɲa yire birin. — Xɛɛrae xa taruxui 4:13 ; 10:34, 35.

  • Nanse a niyaxi Yehowah xa Seedee luxi alo mixi birin ?

  • Yehowah xa Seedee fe hagigɛe mundu xaranxi Kitaabui kui ?