Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 28

Wo nanse toma muxu xa Intɛrnɛti luti ma ?

Wo nanse toma muxu xa Intɛrnɛti luti ma ?

France

Pologne

Russie

Nabilaye Isa a fala nɛ a fɔxirabirɛe bɛ a : “ Wo xa naiyalanɲi fan xa yanba na ki adamadie ya ma, alako e xa wo xa kɛwali fanɲie to, e wo Baba matɔxɔ naxan na koore ra. ” (Matiyu 5:16). Na nan a niyaxi, muxu walise nɛɛnɛe yusima, anun Intɛrnɛti. Muxu xa yi luti, jw.org wo malima nɛ alako wo xa Yehowah xa Seedee xa walie nun e xa diinɛ kolon. Nanse toma naa ma ?

Kitaabui yaabi naxan fima mixi gbegbe xa kɔston ma. Muxu xa na luti ma wo nɔma yaabi sɔtɔde kɔston gbegbe ma naxee tide na adamadie bɛ. Alo, yi kɛɛdi : Aimeriez-vous connaître la vérité ? na kɛɛdi naxan sɔtɔma xui 400 nun a nde kui kɔston senni nan yaabi ma. Muxu xa na luti fan ma, wo yi Kitaabui Traduction du monde nouveau toma nɛ naa xui 100 nun a nde kui, anun buki naxee fatanxi Kitaabui ra alo Qu’enseigne réellement la Bible ? anun La Tour de Garde nun Réveillez-vous ! nimɔru dɔnxɔɛe. Wo nɔma na buki gbegbe xarande xa na mu ara wo man nɔma nee xui tongode alako wo xa nɔ e ramɛde alo PDF xa na mu ara EPUB. Wo man nɔma na buki lengba ndee sɔtɔde xui gbɛtɛ kui alako wo xa mixi nde mali Kitaabui kolonfe ra. Filimu gbegbe naa muxu xa luti ma naxee yailanxi fe mɛtare bɛ (tulixɔrie). Wo ɲaxalinɲi sɔtɔ pɛsɛe xui tongofe ma naxee fantanxi Kitaabui xaranfe ra, anun bɛɛti fanɲie.

Muxu xa luti ma wo nɔma kolonɲi yati sɔtɔde Yehowah xa Seedee xa fema. Wo xibaaru toma muxu xa luti ma, filimu naxee muxu xa walie duniɲa yire birin masenma, fee naxee fantaxi Yehowah xa Seedee ra anun e mixie malima ki naxɛ duniɲa yire birin. Wo fama nɛ muxu xa buro xungbe masɔtɔ ki tode anun muxu xa malanɲie xungbe.

Na ma, muxu nɔndi naiyalanɲie nan na yanbama han bɔxi yire makuye ma. Adamadie naxee naa duniɲa yire birin hali naxee naa e dɛn naxan ma foto xui l’Antarctique, e muxu xa luti rawali ma. Muxu Ala maxandife alako “ Yehowah xa masenɲi xa yensen mafure, ” duniɲa yire birin ma, Ala xun nakelife ra. — Tɛsaloniki II 3:1.

  • Muxu xa yi luti jw.org wali mundu rabama alako mixie xa nɔndi kolon naxan fatanxi Kitaabui ra ?

  • A xɔli wo ma wo xa nanse mato muxu xa luti ma ?