Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 2

Munfe ra yi xili “ Yehowah xa Seedee ” ?

Munfe ra yi xili “ Yehowah xa Seedee ” ?

Nuha

Iburahima nun Sara

Munsa

Isa

Mixi gbegbe ɲɔxɔ a ma a Yehowah xa Seedee diinɛ nɛnɛ nan xili ara. Kɔnɔ, kabi ɲɛ 2 700, Ala yati a batulae xili sa nɛ a xa “ Seedee. ” (Esayi 43:10–12, TMN). Beenun ɲɛ 1931 xa a li, muxu nu kolonxi yi xili nan na : “ Kitaabui Xarandie. ” Munfe ra muxu xili saxi Yehowah xa Seedee ra ?

A masenma nde muxu xa Ala ra. Ala xili, Yehowah, gali gali nan nu sɛbɛxi Kitaabui xuntunɲi forie kui. Kɔnɔ Kitaabui ndee kui, mixie bara Ala xili masara Marigi ra xa na mu ara Ala. Kɔnɔ Ala nabilaye Munsa rakolon nɛ a xili ra, Yehowah, a fa a fala : “ N xili nan naki abadan. ” (Ramini 3:15, TMN). Yehowah xili nan anun ala boree tagi rasama ma. Muxu ɲaxalinxi na xili safera muxu xun.

A muxu xa wali nan masen ma. Bonsɔɛ wuyaxi naxee nu tinxinxi a fɔlɔɛ, fɔlɔfe Habila ma, nu danxaniyaxi Yehowah ra e nu a xa seedeɲɔxɔya ba. Ɲɛ kɛmɛ wuyaxi bunma, Nuha, Iburahima, Sara, Munsa, Dawuda anun mixi gbɛtɛe bira nɛ “ na danxaniyatɔɛ gali, ” fɔxira (Eburu 11:4–12:1). Seede, mixi nan xa seedeɲɔxɔya rabama kitisae yaxɔri, kɔnɔ muxu tan nɔndi nan sugandixi fatanfe Ala ra muxu xa mixie rakolon na ra.

Seede nan Isa fan na. Kitaabui a manɛ a bɛ “ seede laxixɛ ”. (Waxayi 3:14.) Isa yɛtɛ yati a falanɛ a a Ala xili rakolon nɛ a man naxa na “ nɔndi masen birin bɛ ”. (Yaya 17:26 ; 18:37.) A fɔxirabirɛe lanma e xa na xili sa e xun, e man xa a rakolon. Yehowah xa Seedee katama na nan rabade.

  • Munfe ra Kitaabu Xarandie naxa “ Yehowah xa Seedee ” xili tongo ?

  • Kabi waxati mundu seedee na Yehowah yira bɔxi ma ?

  • Nde na Yehowah xa Seede xungbe ra ?