Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 18

Muxu na muxu ngaxakerenɲie naxee na tɔɔrɛ kui malima di ?

Muxu na muxu ngaxakerenɲie naxee na tɔɔrɛ kui malima di ?

République Dominicaine

Japon

Haïti

Xa kasarɛ raba yiree alo bɔxi nu sɛrɛn, Yehowah xa Seedee e e xun malan ma mafure mafure alako e xa e ngaxakerenɲie mali naxee na tɔɔrɛ kui. Na katɛ muxu xa xanunteya nan masenma (Yaya 13:34, 35 ; Yaya I 3:17, 18). Muxu nee malima di ?

Muxu kɔbiri fima e ma. Ɲɛ kɛmɛ singe, kamɛ xungbe naxa Yudaya bɔxi li, Antiyɔki danxaniyatɔɛe naxa lan a ma e xa Yudaya ngaxakerenɲie mali e harige ra (Xɛɛrae xa taruxui 11:27-30). To, xa muxu a mɛ a muxu ngaxakerenɲie tɔɔrɔfe yire nde, muxu fan danxaniyatɔɛ ɲama xa saabui ra muxu na muxu ngaxakerenɲie kima muxu harige ra. — Korinti II 8:13-15.

Muxu xa maliya xun malanma. Danxaniyatɔɛ xa xunmatie naxee na kasarɛ yire e e xa danxaniyatɔɛ ɲama fenma alako e xa a kolon xa sese mu e toxi. Maliya xunmatie e xun malanma nɛ alako e xa e boree mali, e fama seri ra, donse gbegbe, ye fɛntɛnxi, sose anun e man xide tima nee bɛ. Yehowah xa Seedee gbegbe naxee na wali kolon, kelima e xɔnɲi e yɛtɛ kan ɲanige ra alako e xa e boree mali, e banxie tima anun muxu xa malan banxie naxee bara kana. E to darixi walira lanɲi kui, e nɔma fe birin rabade alako e xa e boree mali mafure. Muxu na muxu boree malima naxee na “ muxu ngaxakerenɲi danxaniyatɔɛe ra ”, kɔnɔ, muxu man nɔma fe fanɲi rabade mixi birin bɛ. — Galati 6:10.

Muxu mixie ralimaniyama Kitaabui saabuira, muxu man muxu xa xanunteya masenma e bɛ. Naxee kasaraxi xayi na limaniya ma. Na waxati ma, muxu sɛnbɛ fenma Yehowah fɛɛma “ naxan mixie ralimaniyama e xa fe birin kui ”. (Korinti II 1:3, 4.) Xa na mixi naxee na tɔɔrɛe kui Ala xa laayidie ramɛ naxee Kitaabui kui, muxu e malima e xa e xaxili ti Ala xa Mangɛya ra naxan fama tɔɔrɛ nun xɔnɛ birin dande. — Waxayi 21:4.

  • Munfe ra muxu nɔma muxu boree malide mafure ra kasarɛ tɛmui ?

  • Naxee na nan kasarɛ kui, muxu nɔma nee ralimaniyade di ?