Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 9

Muxu na muxu xa malanɲie yailanma di ?

Muxu na muxu xa malanɲie yailanma di ?

Cambodge

Ukraine

Xa wo Kitaabui xaranfe wo nun Yehowah xa Seede nde, wo katama nɛ wo xa na xaranɲi yailan beenun a lɔxɔɛ xa a li. Beenun wo xa siga na malanɲie ma, wo lanma fan wo xa bukie yailan alako wo xa a faxaamu. A fan wo bɛ wo xa waxati nde sugandi na malanɲi yailanfe ma.

Wo waxati fanɲi nun yire fanɲi nde sugandi. Wo xaxili raxaraxi tɛmui mundu ? Gɛsɛgɛ beenun wo xa wali fɔlɔ, xa na mu nunmare xa dimɛe saxi ? Xali wo to mu nɔma xarande waxati gbegbe bun ma, wo waxati nde sugandi alako wo xa Kitaabui xaran, xa wo nɔma, wo naxa sese luna a xa na xaranɲi xunnakana wo ma. Wo yire madunduxi nde fen, wo naxa sese luna naxan nɔma wo xa xaranɲi kanade wo ma, alo kankiradi xaxilima (radio), pirinti xaxilima (télé) anun telefɔni. Wo sali beenun wo xa wo xa xaranɲi fɔlɔ, na nan nɔma wo malide wo xa kɔntɔfili birin luna alako wo xa wo xaxili dɔxɔ Ala xa masenɲi xɔn. — Filipi 4:6, 7.

Wo kɔston yaabi kɔrin alako na malanɲie ma wo xa wo gbe raso na wɔyɛnɲie yama. Wo a fɔlɔ yi sorae matode, wo wo maɲɔxun nee ma, wo fee tagirasa mato na xaranse kui. Wo pirintie fan mato. Na xanbi, wo yi kɔston naxee yi xaransee bun ma, xaran keren keren, wo nu kɔston yaabi fen. Wo sigirɛe fan xaran Kitaabui kui naxee nɔma na xaranse fixɛde wo bɛ (Xɛɛrae xa taruxui 17:11). Wo na gɛ kɔston tode, masenɲie naxee bara rafan wo ma wo nee kɔrin alako wo xa nɔ wo maɲɔxunde nee ma kifanɲi ra. Xa a xɔli wo ma, malanɲi waxati, wo nɔma wo bɛlɛxɛ yitede xa wo wama kɔston nde yaabife.

Xaranse naxee lan e xa xaran na malanɲie, wo nee mato sinde wo wo maɲɔxun e ma beenun a lɔxɔɛ xa li, na ma, wo wo xa kolonɲi xunmasama nɛ Kitaabui xa masenɲie ra. — Matiyu 13:51, 52.

  • Wo nɔma waxati mundu sugandide alako wo xa malanɲie yailan ?

  • Wo nɔma nanse rabade alako wo xa wo gbe raso wɔɲɛnɲie yama malanɲi waxati ?