Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 26

Muxu na muxu xa malan banxie masuxuma di ?

Muxu na muxu xa malan banxie masuxuma di ?

Estonie

Zimbabwe

Mongolie

Porto Rico

Ala xili sɛniyɛnxi sɛbɛxi Yehowah xa Seedee xa malan banxie birin ma. Muxu naa fɛntɛnma, muxu naa masuxuma ki fanɲi ra, barima naa tide na muxu bɛ. Kankan nɔma naa masuxude ki fanɲi ra.

Birin nɔma na yailande a yɛtɛ kan ɲanige ra malanɲi na ba a ra. malanɲi na gɛ, Yehowah xa Seedee na yailanma nɛ. Lɔxun keren ma, e na birin makɔma nɛ. Danxaniyatɔɛe ɲama xunmati keren nun danxaniyatɔɛ ɲama malie keren nan na walie xun malanma, kɛɛdi luma nɛ e yira alako e xa a kolon wali lan a xa raba ki naxɛ. Kankan nɔma a gbe wali sugandide : naa makɔfe, naa maxafe, naa mafurukufe, xube bafe gbonɲie ma, xa na mu ara gbonɲie dɔxɔ ki yailanfe, xandɛ maxafe, wundɛrie nun naadɛe mafurukufe, ɲogee wɔlife xa na mu ara tande makɔfe. Ɲɛ keren bun ma, xi keren sugandixi na walie birin rabafe ra. Dimɛe fan nɔma forie malide alako e fan xa a kolon a e lan e xa muxu xa salide banxie binya e masuxu ki fanɲi ra. — Lɔnnila 5:1, TMN.

Muxu see yailama. Ɲɛ yoo ɲɛ, muxu na muxu xa malan banxie yire birin matoma. Na ma, muxu na muxu xa malan banxie nun se naxee birin na a kui masuma a fanɲi ra alako e naxa kana, na nan a niyama muxu mu depansi fufafu rabama (Mangɛe xa taruxui II 24:13 ; 34:10, TMN). Malan banxi naxan fɛntɛnxi a man masuxuxi a fanɲi ra nan na Ala batude yati ra. Xa won na won gbe raso na walie rabafe ra, won na won ma xanunteya yati nan masenma Yehowah bɛ anun muxu a batuma dɛn naxɛ (Zabur 122:1, TMN). Na seedeɲɔxɔya nan bama muxu dɔxɔ booree bɛ. — Korinti II 6:3.

  • Munfe ra won mu lan won xa won ma salide banxie rabolo ?

  • Muxu xa malan banxie masuxi di ?