Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 19

Nde konɲi xaxilima dugutɛgɛ ra ?

Nde konɲi xaxilima dugutɛgɛ ra ?

Muxu donse gbegbe sɔtɔma naxan fatanxi Kitaabui ra

Beenun a xa faxa Isa nun a fɔxirabirɛ naani : Piyɛri, Yaki, Yaya anun Andire wɔyɛn nɛ. A naxa a “ fa waxati tɔnxuma ” fala e bɛ naxan fama rabade duniɲa raɲɔnɲi, a naxa kɔston tide keren sa e bun ma : “ Nde luma alɔ konɲi naxan findixi xaxilima dugutɛgɛ ra ? A marigi bara a ti a xa banxi walikɛe birin xun ma, a xa donsee taxun e ra a waxati ? ” (Matiyu 24:3, 45 ; Maraki 13:3, 4). I na mɛ “ donsee ”, lɔnni nan a ra naxan fatanxi Ala ra. Isa, e xa “ karamɔxɔɛ ”, laayidi tongo nɛ a a masenma nɛ a fɔxirabirɛe bɛ naxee nu lan e xa na lɔnni gbegbe fi e ma duniɲa raɲɔnɲi waxati. Nde findima na “ konɲi ” ra ?

A findima isayanka sugandixi ndee nan na. I na mɛ “ mixi sugandixi ”, mixi nan a ra naxan sugandixi Ala xaxili sɛniyɛnxi ra. Na “ konɲi ” nan na Yehowah xa Seedee xa xunmati xaxilima sugandixi ra. A donse naxan findixi Ala xa lɔnni ra, taxunma Yehowah batulae ra tɛmui fanɲi ma. Muxu xayi na a ma alako a xa na “ donse taxun muxu ra waxati birin ”. — Luki 12:42.

A “ Ala xa mixie ” raɲɛrɛma ki fanɲi ra. (Timote I 3:15.) Isa a xa wali naxan fatanxi Yehowah xa malanɲi ra yi bɔxi ma, taxu nɛ na “ konɲi ” ra anun kawandi wali nun danxaniyatɔɛ ɲama raxaranfe ra. Alako muxu xayi na naxan ma a xa na so muxu yi a waxati, “ konɲi naxan findixi xaxilima dugutɛgɛ ra ” donse naxan fatanxi Kitaabui ra taxunma bukie saabui ra, muxu naxee yusima kawandi wali kui anun a xaranɲi naxan masenma muxu xa malanɲie.

Na “ konɲi ” na “ xaxilima ” ra a xa kawandi wali kui anun nɔndi naxan fatanxi Kitaabui ra, a man na “ dugutɛgɛ ra ” alako a xa Isa xa munafanɲi raɲɛrɛ ki fanɲi ra bɔxi ma (Xɛɛrae xa taruxui 10:42). Yehowah a xa wali barikama, a xa wali xunmasama a man donse gbegbe naxan fatanxi Kitaabui ra fima a ma. — Esayi 60:22 ; 65:13.

  • Isa nde sugandixi alako a xa a fɔxirabirɛe dɛge Kitaabui xa lɔnni ra ?

  • Munfe ra won nɔma a falade a na “ konɲi ”, “ xaxilima ” nun “ dugutɛgɛ ” nan ara ?