Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 3

Nɔndi naxan fatanxi Kitaabui ra man gbilenxi minira di ?

Nɔndi naxan fatanxi Kitaabui ra man gbilenxi minira di ?

Kitaabui xarandie, ɲɛ 1870 ma.

Ɲɛ 1879 ma, La Tour de Garde singe england xui

La Tour de Garde to

Kitaabui a fala nɛ a Isa xa faxɛ dangi xanbi, mixi ɲaaxie fama nɛ sode danxaniyatɔɛe yama e Kitaabui xa xaranɲi mafindi wule ra (Xɛɛrae xa taruxui 20:29, 30). Na nan yati dangi. Isa xa xaranɲie naxa masunbu wule ra, na naxa danxaniyatɔɛe taxun (Timote II 4:3, 4). Xa a na naki nɛ, won nɔma laade ara di a won ma kolonɲi fatanxi Kitaabui xa xaranɲi yati nan na ?

A lɔxɔɛ to a li Yehowah naxa nɔndi masen. “ Waxati dɔnxɔɛ ra ” alo Yehowah a fala ki naxɛ ; “ faxaamui yati gbo manɛ duniɲa ”. (Daniyɛli 12:4, TMN.) Ɲɛ 1870, mixi ndee naxa bira nɔndi fenfe ra, e naxa a kolon a diinɛ gbegbe xa xaranɲi mu nu fatanxi Kitaabui xaranɲie ra. E waxɔnfe nu naa Kitaabui xa xaranɲie faxaamufe nan na alo a nu na ki naxɛ a fɔlɔɛ, Yehowah naxa e mali.

Kitaabui xa xaranɲi tilinxi kolonfe. Kitaabui xarandie nu Kitaabui rawalima ki naxɛ, muxu fan ɲɛrefe na nan ma to. E nu Kitaabui xaranma sora keren keren nan ma. Xa e yire nde li e mu naxan faxaamuxi a fanɲi ra, e nu sigirɛ gbɛtɛe fenma naxee nu nɔma a fatanfaside e bɛ. E nu nɔndi keren to naxan fatanxi Kitaabui ra, e nu na sɛbɛma. E to Kitaabui lu na a xa a xa xaranɲie fatanfasi a yɛtɛ ra, e naxa nɔndi kolon sɔnɔn Ala xili ma, a waxɔnfe ma bɔxi nun adamadie bɛ, faxɛ xa nɔndi anun marakeli yigi. E xa fe fenɲie naxa e mafulun diinɛ donxɔɛe xa wule kui, fatanfe na ma. — Yaya 8:31, 32.

Ɲɛ 1879, Kitaabui xarandie naxa a kolon a waxati nu bara a li e xa mixie rakolon na nondi ra. Kabi na ɲɛ, e naxa yi buki rafala, naxan xili foto xui La Tour de Garde annonce le Royaume de Jéhovah muxu na buki rafalafe han to lɔxɔɛ. To fare nɔndi naxan fatanxi Kitaabui ra muxu na nan kawandife bɔxi 239 kui xui 700 kui. Han to lɔxɔɛ na faxaamui yati mu nu gbo yi ki bɔxi ma !

  • Isa to faxa, nanse findi Kitaabui xa xaranɲie ra ?

  • Nanse a niyan nɔndi naxan fatanxi Kitaabui ra naxa gbilen minira ?