Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 14

Kawandilae xaranɲi mundu sɔtɔxi ?

Kawandilae xaranɲi mundu sɔtɔxi ?

Etat-Unis

Gileadi xaranɲi, Patterson, New York

Panama

Xaranɲi naxan fatanxi kawandi wali ra, findixi fe hagigɛ nan na Yehowah xa Seedee bɛ. Xaranɲi naxan na a xatima, fima waxati birin kawandilae ma naxee wama Ala xa Mangɛya kawandife anun naxee wama e xa e xa “ wali rakamali. ” — Timote II 4:5.

Kawandilae xa xaranɲi. Ɲɛ keren dangi xanbi e xa kawandi wali kui, a findi ginɛ ra ba xa na mu xamɛ, e nɔma e xili sɛbɛde na xaranɲi ma naxan buma han xi senni, na xaranɲi nɔma rabade danxaniyatɔɛ ɲama malande naxan masoxi e ra. Na xaranɲi rabama alako e xa kawandilae mali e xa nɔ e masode Yehowah ra, alako e man xa e xa kolonɲi xun masa na kawandi wali kui anun e man xa tunnabɛxi na kawandi wali tinxinxi kui.

Ala xa Mangɛya kawandilae xa xaranɲi. Na xaranɲi naxan buma kike firin, rabama alako kawandilae naxee na lɔɔnila ra anun naxee nɔma kelide e xɔɲi alako e xa siga kawandi ti bɔxi gbɛtɛ kui kawandila mu gbo dɛn naxɛ, e xa nɔ e xa kolonɲi xun masade. E a falama : “ n tan nan ya n xani ! ” Alako e xa bira Isa kawandila xungbe fɔxɔ ra naxan ɲɔndɔn mu sɔtɔxi sinde bɔxi ma (Esayi 6:8, TMN ; Yaya 7:29). E nu keli e xɔɲi e siga yire makuye, e lan e xa e xa fe rabaki masara. Naamuɲi, ɲɛmɛ nun sogefure lɛri anun donsee mu luma alo naxee na e xɔɲi e darixi naxee ra. E lan e xa xui gbɛtɛ matinkan. Na xaranɲi muxu ngaxakerenɲi naxee mu futixi anun naxee bara futi kelife ɲɛ 23 han 65, malima alako e xa fe rabaki gbɛtɛ ndee matinkan e xayi luma naxee ma e xa kawandi wali kui anun lɔɔni naxee nɔma a niyade Yehowah xa xun so xa nɔ e yuside.

Gileadi xa Kitaabui xaranɲi. Eburu xui “ Gileadi ” “ Se xungbe nan a ra naxan seedeɲɔxɔya bama ”. Kabi e sa Gileadi xaranɲi daa ɲɛ 1943, mixi 8 000 nun a n dee, naxee bara na xaranɲi raba, nan xanixi yire gbɛtɛ alo kawandilae naxee kelixi a farima alako e xa siga kawandi ti “ han duniɲa danɲi ” (Xɛɛrae xa taruxui 13:47). Na kawandilae naxee na xaranɲi rabaxi to fa Pérou, danxaniyatɔɛ ɲama malande mu nu na naa. Yakɔsi danxaniyatɔɛ ɲama malande 1 000 nun a n de nan na naa. Muxu xa kawandilae naxee kilixi a farima to kawandi wali fɔlɔ Japon, Yehowah xa Seedee 10 nan nu na naa. Yakɔsi e xasabi na mixi 200 000 nan na. Gileadi xaranɲi naxan buma kike suli, fatanxi Kitaabui xa xaranɲi yati nan na. Naxee na kawandila ra naxan na a xatima anun kawandila naxan kelixi a farima na longorie kui, naxee na muxu xa buro xungbe kui xa na mu naxee na circonscription xunmati ra, maxilixi na xaranɲi tilinxi ma alako e xa e mali na wali raɲɛrɛde duniɲa yire birin.

  • Kawandilae xa munafanɲi na nanse ra ?

  • Nde nɔma xaranɲi naxan fatanxi Ala xa Mangɛya xibaaru kawandi rabade ?

Xa I WAMA I XA KOLOƝI XUN MASAFE