Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 8

Munfe ra muxu na muxu maxirima a fanɲi ra muxu nɛ sigama muxu xa malanɲie ?

Munfe ra muxu na muxu maxirima a fanɲi ra muxu nɛ sigama muxu xa malanɲie ?

Islande

Mexique

Guinée-Bissao

Filipi

Wo a yi gbɛxi yi fotoe naxee yi buki kui, a Yehowah xa Seedee e maxirima a fanɲi ra e nɛ sigama e xa malanɲie ? Munfe ra muxu xa maxiri tide na muxu bɛ ?

Ala xa binyɛ ma. Nɔndi nan ara a Ala mu won fate xamu toma (Samuweli I 16:7, TMN). Kɔnɔ, muxu nɛ a batuma ɲama tagi, a xɔli muxu ma muxu xa Ala binya anun naxee fan fama na malanɲie. Xa won lan won xa dangi kiitisa ya xɔri, a xa kuntigiya binyɛ kui, won lan won xa dugi fanɲi nan so. Na na naki, a malanɲie waxati ma, muxu maxiriki muxu xa binyɛ nan masenma “ duniɲa birin kiitisa bɛ ” Yehowah, anun muxu a batuma dɛn naxɛ — Fɔlɔɛ 18:25, TMN.

Muxu hagigɛe xa binyɛ ma. Kitaabui mixie ralimaniyama, “ naxee birama Ala fɔxɔ ra ” e xa dugi nan so “ naxee e suturama ”. (Timote I 2:9, 10.) Maxiri naxan findixi “ suturɛ ” ra nan yi ki : muxu mu lan muxu xa dugi yoo so naxan mixi ya rafindima muxu ma, a muxu fate ramini kɛnɛma. Na kui, muxu “ yɛtɛ mataxasife fe birin kui ” muxu malima donma fanɲie sugandide, naxee nɔma lande muxu ma ki fanɲi ra. Na sɛriyɛe xɔrɛya fima birin ma a xa a yɛtɛ kan xa maxiri sugandi. Hali muxu mu muxu dɛ rabi, muxu nɔma dugie sode naxee “ binyɛ fima muxu Rakisima ” ma a man “ Ala matɔxɔ ” (Tito 2:10 ; Piyɛri I 2:12). Na kui, muxu na muxu maxirima ki naxɛ sigafe muxu xa malanɲie nɔma muxu boree fan malide e xa e maxiri naki e nɛ sigama Yehowah batude.

Kɔnɔ, wo maxiri ki naxa a niyan wo xa tondi sigade Yehowah xa Seedee xa malanɲie ! Dugie mu lanma e sare xa xɔrɔxɔ xa na mu ara e xa rayabu, alako e xa fan, kɔnɔ e lanma e xa fɛntɛn.

  • Munfe ra muxu xa dugie tide na muxu bɛ muxu nɛ Ala batuma ?

  • Sɛriyɛe mundu muxu malima muxu xa dugie sungandife ra ?