Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Nde Yehowah Waxɔnfe Rabama To ?

 XARANSE 15

Danxaniyatɔɛ ɲama xunmatie xa wali na nanse ra ?

Danxaniyatɔɛ ɲama xunmatie xa wali na nanse ra ?

Finlande

Xaranɲi

Kankan malife

Kawandi

Muxu xa xunmatie baa diinɛe boree xa xunmatie ma. E wali naxan rabama danxaniyatɔɛ ɲama xa malan banxi kui, e sare mu fima na ma, alo ɲɛ kɛmɛ singe ma, mixi nan e ra naxee masoxi Yehowah ra e ta nan sugandixi alako e xa findi xuruse dɛmadoɲie ra danxaniyatɔɛ ɲama bɛ (Xɛɛrae xa taruxui 20:28). Na xunmatie sugandixi nɛ barima e nɔma danxaniyatɔɛ ɲama raɲɛrɛde ki fanɲi ra ‘ E mu na rabama alo e na e karaxan. E man mu na rabama kɔbiri geeni xa fe ra, e na rabama e bɔɲɛ birin nan na ’. (Piyɛri I 5:1-3.) E nanse rabama won bɛ ?

E mɛɛni ma muxu ma e man muxu rakanta ma. Na xunmatie findixi danxaniyatɔɛ ɲama xa yarerati nan na, e nee rakantama e man e mali alako e xa e maso Yehowah ra. E to a kolon a Ala nan na wali taxuxi e ra, e mu danxaniyatɔɛe ɲama yaamarima a xɔrɔxɔɛ ra ; e na birin rabama muxu xa fanɲi nun muxu xa sɛɛwɛ na ma (Korinti II 1:24). Alo xuruse dɛmadonɲi ɲɔxɔsaxi a xa xuruse gɔrɛ lanma xɔn ki naxɛ, na xunmatie fan ɲɔxɔsaxi naki nɛ danxaniyatɔɛe ɲama xɔn. — Taalie 27:23, TMN.

E muxu raxaranma Ala waxɔnfe rabade. Lɔxun yoo lɔxun, xunmatie malanɲie raɲɛrɛma alako e xa danxaniyatɔɛ ɲama xa danxaniya xunmasa (Xɛɛrae xa taruxui 15:32). Na xunmatie kawanditie findixi misaali nan na muxu bɛ, e muxu malima kawandi wali rabade a mɔɔli birin na.

E muxu ralimaniyama. Alako e xa kankan mali a masode Ala ra, muxu xa xunmatie wɔyɛnma muxu ra malan banxie kui xa na mu ara e muxu xɔnɲi ɲɛrɛma. E na birin rabama alako e xa muxu mali e man xa muxu ralimaniya Kitaabui saabui ra. — Yaki 5:14, 15.

Bafe na wali birin na, na xunmati ndee walima yire gbɛtɛ alako e xa mɛɛni e xa denbayae ma e man xa e masuxu a fanɲi ra. Na ngaxakerenɲie “ naxee na walife won tagi ” lan e xa binya. — Tɛsaloniki I 5:12, 13, TMN.

  • Xunmatie xa wali na nanse ra ?

  • E kankan malima di ?