Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Xibaaru FanƝi Naxan Kelixi Ala Ma !

 Xaranse 6

Yigi mundun na faxa mixie bɛ ?

Yigi mundun na faxa mixie bɛ ?

Ala a falaxinɛ benba Adama bɛ : “ Bɔxi bendɛ nan i ra, i na faxa i man gbilenma na bɔxi bendɛ nan kui. ” — FƆLƆƐ 3:19, TMN.

1. Xibaaru fanɲi mundun na faxa mixie bɛ ?

Isa to nu na bɔxi ma, a bore n de, Lasaru, nu sabatixi Betani, Darisalamu fɛ ma. Lɔxɔ n de a na bore naxa faxa kabi xi naani, Isa naxa siga a xa gaburi a tan nun Marata nun Mariama, Lasaru maginɛe. A mu bu ɲama naxa malan. Wo maɲɔxun Marata nun Mariama sɛɛwa ki naxɛ Isa to Lasaru rakeli faxɛ ma. — Yaya 11:21-24, 38-44 xaran.

Marata nu na xibaaru fanɲi kolon fatanfe ra faxa mixie ma. A nu a kolon a Yehowah faxa mixie rakelima nɛ e xa kisi abadan sɔtɔ bɔxi ma. — Ayuba 14:14, 15, TMN xaran.

2. Mixi na faxa a luma di ?

Adamadi birin daaxi bɔxi bendɛ nan na (Korinti I 15:47). Ni gbɛtɛ xa mu won fate. Daali nan won na naxan toma, xa won faxa won ni mu sigama yire yo. Xa won faxa, won xaxili fan danma nɛ, won ma maɲɔxunɲi danma nɛ. Na kui, ba faxa mixie mu sese kolon, Lasaru mu nu nɔma sese falade a xa faxɛ xa fe ra. — Zabur 146:4, TMN ; Lɔnnila 9:5, 6, 10, TMN xaran.

Xa mixi faxa Ala a ɲaxankatama tɛ xɔɔra ? Alo Kitaabui a masenxi ki naxɛ, faxa mixie mu sese ya kolon, na bara a masen a mixi naxee yahannama fe raxaranma e boree bɛ wule nan a ra naxan Ala xili kanama. Mixi ɲaxankatafe yahannama mu Ala xa maɲɔxunxi yati kui na ɲan raɲaaxu a ma. — Yeremi 7:31, TMN xaran.

 3. Faxa mixie nɔma wɔyɛnde won na ?

Faxa mixie mu wɔyɛnma e man mu fe ramɛma (Zabur 115:17, TMN). Kɔnɔ, malekɛ ɲaaxie na na, naxee e yɛtɛ mafindima faxa mixie ra alako e xa wɔyɛn adamadie ra (Yude 6). Yehowah mu tinma faxa mixie maxɔrinfe ra. — Sɛriyɛ firinyande 18:10, 11, TMN xaran.

4. Nde fama rakelide faxɛ ma ?

Mixi wuyaxi naxee faxaxi e fama nɛ kelide faxɛ ma e kisi abadan sɔtɔ bɔxi ma. Hali naxee mu nu Ala kolonxi e fa fe kobie raba nee fan rakelima nɛ. — Luki 23:43 ; Xɛɛrae xa taruxui 24:15 xaran.

Naxee fama rakelide faxɛ ma saabui luma nɛ e bɛ e xa Ala kolon, e man xa e xa danxaniya masen Isa xui suxufe ra (Waxayi 20:11-13). Fe fanɲi rabae sare findima kisi abadan nan na bɔxi ma. — Yaya 5:28, 29 xaran.

5. Na marakeli nanse masenma won bɛ Yehowah xa fe ra ?

Na marakeli, Ala bara a sɔnɛya nabilaye Isa nan saabui ra naxan faxaxi won ma fe ra. Na marakeli Ala xa xanunteya nun a xa hinnɛ nan masenma won bɛ. A xɔli wo ma wo xa n de yati to na marakeli lɔxɔɛ ? — Yaya 3:16 ; Rɔma 6:23 xaran.