Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Xibaaru FanƝi Naxan Kelixi Ala Ma !

 Xaranse 14

Munfe ra xun malanɲi na Ala yira to ?

Munfe ra xun malanɲi na Ala yira to ?

1. Munfe ra, singe ra Ala naxa Isirayilakae xun malan ?

Ala nabilaye Iburahima bonsɔɛe malan nɛ si ra, a fa tonɲi so e yira. A fa na si xilisa “ Isirayila ” a naxa Kitaabui nun diinɛ fanɲi taxu e ra (Zabur 147:19, 20, TMN). Nakui, Isirayila nu nɔma findide barikɛ ra si birin bɛ. — Xɛɛrae xa taruxui 3:25 xaran.

Ala Isirayilakae nan sugandi alako e xa findi a xa seedee ra. E xa taruxuie a masenma a won nɔma fe fanɲi sɔtɔde xa won Ala xa tonɲie rabatu (Sɛriyɛ firinyande 4:6, TMN). E xa saabui ra, mixi gbɛtɛe nun nɔma Ala kolonde. — Esayi 43:10, 12, TMN xaran.

2. Munfe ra mixi naxee na diinɛ fanɲi kui xun malanxi ?

Kɔnɔ waxati to nu dangi ma, Ala naxa a xa hinnɛ ba Isirayila yi, Yehowah naxa na si masara danxaniyatɔɛe ra (Matiyu 21:43 ; 23:37, 38). To, Isirayilakae masaraxi tinxintɔɛe nan na naxee Ala xui rabatuma, na lanxi Yehowah xa Seedee nan ma. — Xɛɛrae xa taruxui 15:14, 17 xaran.

Isa a fɔxirabirɛe xun malan nɛ alako e xa xibaaru fanɲi kawandi anun e man xa si birin findi a fɔxirabirɛe ra (Matiyu 10:7, 11 ; 24:14 ; 28:19, 20). Yi waxati dɔnxɔɛ ra na kawandi wali mafurafe. Kabi taruxui fɔlɔɛ, a singe nan ya Yehowah xa mixi wulu wulu malan kelife si birin ma diinɛ keren kui (Waxayi 7:9, 10). Danxaniyatɔɛe xun malanxi alako e xa e boree ralimaniya e man xa e boree mali. Duniɲa yire birin, e masenɲi keren nan tun raxaranma e xa salide banxie kui. — Eburu 10:24, 25 xaran.

 3. Yehowah xa seedee xa xun malanɲi fɔlɔxi waxati mundun ?

Kabi ɲɛ wulu keren kɛmɛ soloma saxan nun tongo solofere (1870) bun ma, Kitaabui xarandi n dee, nɔndi kolon nɛ naxan nun bara lɔɛ a rakuya fatanfe ra Ala ra. E to a kolon a Isa danxaniyatɔɛ ɲama xun malan nɛ alako e xa xibaaru fanɲi kawandi, e fan naxa Ala xa Mangɛya xibaaru fanɲi kawandi fɔlɔ duniɲa yire birin. Ɲɛ wulu keren kɛmɛ solomanani nun tongo saxan nun keren (1931) bun ma, e naxa e xili sa Yehowah xa Seedee. — Xɛɛrae xa taruxui 1:8 ; 2:1, 4 ; 5:42 xaran.

4. Yehowah xa Seedee xun malanxi di ?

Ɲɛ kɛmɛ singe (Ier siècle) ma, danxaniyatɔɛ ɲama naxee nu yensenxi duniɲa yire birin nu na “ xunmati xaxilima sugandixi ” xa yaamari nan bun ma ba e bara a kolon a Isa nan na danxaniyatɔɛ ɲama kuntigi ra (Xɛɛrae xa taruxui 16:4, 5). To fare fan “ Xunmati xaxilima sugandixi ”, Yehowah xa Seedee raɲɛrɛma. Na danxaniyatɔɛe (xuruse dɛmadoɲie) xaxilimae nan filialie naxee xui madangima xa wali taxunma, e kɛɛdie rafalama e nu a yi taxun xui kɛmɛ senni (600) kui alako mixie xa nɔ Kitaabui xarande. Kitaabui saabui ra e mixie ralimaniyama e man danxaniyatɔɛ ɲama wulu kɛmɛ (100 000) yaamarima duniɲa yire birin. Nee yama, a n dee sugandixi alako e xa findi danxaniyatɔɛ kuntigie ra. E na “ danxaniyatɔɛ ” boree masuxuma xanunteya nan kui. — Piyɛri I 5:2, 3 xaran.

Yehowah xa Seedee xun malanxi alako e xa xibaaru fanɲi kawandi naxan fatanxi Kitaabui ma, e man Ala batulae fen. Alo na xɛɛrae, Yehowah xa Seedee xibaaru fanɲi kawandima banxi dɛ yoo banxi dɛ (Xɛɛrae xa taruxui 20:20). Muxu a falama mixie bɛ nɔndi rafan naxee ma e xa Kitaabui xaran. Kɔnɔ, xun malan xa mu tun na muxu ra. Ngaxakerenmae nan na muxu ra. Baba xanuntɔɛ keren nan muxu xunma ; muxu ɲɔxɔsaxi muxu boree xɔn (Tɛsaloniki II 1:3). Ba e xun malanxi alako e xa rafan Ala ma anun e xa e boree mali, Ala batulae findixi denbayae nan na sɛɛwɛ na naxee bɛ duniɲa yire birin. — Xɛɛrae xa taruxui 20:35 xaran.