Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Xibaaru FanƝi Naxan Kelixi Ala Ma !

 Xaranse 1

Xibaaru fanɲie mundun na ?

Xibaaru fanɲie mundun na ?

1. Xibaaru fanɲie mundun na Ala yira won bɛ ?

Ala wama adamadie xa lu ɲaxalinɲi kui bɔxi ma. A bɔxi nun a kui se birin daaxi nɛ barima won rafan a ma. A gbe mu luxi a xa simaya fi bɔxi sabati mixie ma. A won mayotoma nɛ won ma tɔɔrɛ birin ma. — Yeremi 29:11 (Traduction du monde nouveau) xaran.

Mangasanɲi yo mu na duniɲa naxan nɔma fe kobie, fure nun faxɛ dande. Kɔnɔ xibaaru fanɲie na won bɛ. A gbe mu luxi, Ala xa fa yi mangasanɲi birin masara a xa mangɛya ra. A xa ɲama bɔɲɛsa nun yalanɲi fanɲi sɔtɔma nɛ. — Esayi 25:8 ; 33:24, TMN ; Daniyɛli 2:44, TMN xaran.

2. Munfe ra na xibaaru fanɲie tide na won bɛ ?

Fo Ala na mixi ɲaaxie sɔntɔ bɔxi ma tɔɔrɛ fa dan (Sefaniya 2:3, TMN). Na fama waxati mundun ? Kitaabui yi fe xɔrɔxɔɛe birin xa fe fala nɛ. To fe birin bara a masen a Ala xa lɔxɔɛ bara makɔrɛ. — Timote II 3:1-5 xaran.

3. Won lan won xa nanse raba ?

Won lan won xa tunnabɛxi Ala kolonfe ra Kitaabui xa saabui ra. Kitaabui luxinɛ alo bataaxɛ naxan kelixi baba xanuntɔɛ ma a xa die bɛ. A masenma won bɛ to won lan won xa naxan naba alako won xa simaya fanɲi sɔtɔ anun kisi abadan tina. Tɛmunde a mu fama rafande mixi n dee ma e xa wo mali alako wo xa Kitaabui faxaamu. Kɔnɔ wo naxa mixi yoo luna a xa yi simaya fanɲi radangi wo xun. — Taalie 29:25, TMN ; Waxayi 14:6, 7 xaran.

Xa I WAMA I XA KOLOƝI XUN MASAFE

KITAABUI XARANƝI RABA KI

Munfe ra won lan won xa Kitaabui xaran ?

Kitaabui na mixi wulu wulu malife duniɲa yire birin alako e xa duniɲa maxɔriɲi xɔrɔxɔɛe yaabie sɔtɔ. Wo wama lufe alo e tan ?