Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Xibaaru FanƝi Naxan Kelixi Ala Ma !

 Xaranse 13

Xibaaru fanɲi mundun na diinɛe bɛ ?

Xibaaru fanɲi mundun na diinɛe bɛ ?

1. Diinɛe birin fan ?

Tinxin mixie na diinɛe birin kui. Xibaaru fanɲi na, Ala e toma a man a ɲɔxɔsaxi e xɔn. Kɔnɔ, mixie diinɛ yusima tɛmui birin fe kobie rabafe ra (Korinti II 4:3, 4 ; 11:13-15). Xibaaru n dee bara a masen, a diinɛ wuyaxie e gbe rasoma geree, siɲɔxɔya gere, faxɛ tife yama, anun dimɛe masafe. Na fee danxaniyatɔɛe ya maɲɔxunma ! — Matiyu 24:3-5, 11, 12 xaran.

Diinɛ naxan Ala xun nakelima na nan rafan a ma, diinɛ boree naxee mu Ala waxɔnfe rabama nee tan raɲaaxu Ala ma. E xa xaranɲi mu fatanxi Kitaabui ma, e mu nɔndi raxaranma naxan fatanxi Ala nun faxɛ ma. Kɔnɔ Yehowah wama birin xa nɔndi kolon naxan fatanxi a ma. — Esekiyɛli 18:4, TMN ; Timote I 2:3-5 xaran.

2. Xibaaru fanɲi mundun na diinɛe bɛ ?

Nama, diinɛ naxee a niyama alo Ala rafan e ma e mu nɔma Ala madaxude, ba Sentanɛ xa yamanɛ rafan e ma (Yaki 4:4). Kitaabui kui diinɛ naxee mu Ala waxɔnfe rabama xilisaxi nɛ “ Babilɔn xungbe . Diinɛ naxee mun Ala waxɔnfe rabama barixi Babilɔn taa fori nan kui banbaranɲi dangi xanbi. A gbe mu luxi Ala xa fa diinɛe sɔntɔ naxee mixie tɔɔrɔma anun naxee mu a waxɔnfe rabama. — Waxayi 17:1, 2, 5, 16, 17 ; 18:8 xaran.

Kɔnɔ na xibaaru fanɲi mu danma be xɛ. Yehowah mu nɛɛmuma tinxin mixie ma naxee yensenxi na diinɛ kobie yama duniɲa yire birin. Ala e birin malanma a nu e raxaran nɔndi ra naxan fatanxi a ma. — Yaya 6:45 xaran.

Diinɛ yati mixie malanfe to.

 3. Tinxin mixie lan e xa nanse raba ?

Yehowah ɲɔxɔsaxi mixie xɔn naxee wama nɔndi nun fe fanɲi xɔn ma. A xɔli a ma mixie xa mini na diinɛ kobie yama. Ala rafan naxan ma a kaɲi nɔma a yuge masarade alako a xa rafan Ala ma. — Waxayi 18:4 xaran.

Ɲɛ kɛmɛ singe ma (Ier siècle), tinxin mixie namiɲɔnmɛe xa xibaaru fanɲi ramɛ nɛ ɲaxalinɲi kui. Yehowah e raxaran nɛ e nɔma e xa duniɲa raɲɛrɛde ki naxɛ ɲaxalinɲi kui e man nɔma yigi sɔtɔde ki naxɛ. Misaali fanɲie nan e ra won bɛ, barima e nu xibaaru fanɲie naxee ramɛma e nu na rabatuma e man fa Ala waxɔnfe radangi e yɛtɛ kan gbe ra. — Tɛsaloniki I 1:8, 9 ; 2:13 xaran.

Naxee kelima na diinɛ naxee mun Ala waxɔnfe rabama fɔxɔ ra, Yehowah e rasɛnɛma a xa diinɛ fanɲi kui. A to wo maxilixi xa wo a ratin, wo findima nɛ a xanuntenɲie ra, a xa ɲama ra, wo kisi abadan sɔtɔma nɛ. — Maraki 10:29, 30 ; Korinti II 6:17, 18 xaran.

4. Ala ɲaxalinɲi man rafama di bɔxi ma ?

Diinɛ naxee mun Ala waxɔnfe rabama, e xa kiiti naxan fama bara findi xibaaru fanɲi ra won bɛ. Ala duniɲa birin mayotoma nɛ tɔɔrɛ ma. Diinɛ naxee mu Ala waxɔnfe rabama e mu fama sɔnɔn mixie ratɔxunde e man mu fama e madaxude. Birin fama nɛ lude lanɲi kui Ala xa diinɛ yati kui. — Waxayi 18:20, 21 ; 21:3, 4 xaran.