Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Xibaaru FanƝi Naxan Kelixi Ala Ma !

 Xaranse 9

Sɛɛwɛ nɔma lude wo xa denbayae kui di ?

Sɛɛwɛ nɔma lude wo xa denbayae kui di ?

1. Munfe ra futi sɛɛwɛ rasoma denbayae kui ?

Yehowah naxan xibaaru fanɲie nun sɛɛwɛ kaɲi ra, wama denbayae fan xa sɛɛwa (Timote I 1:11). A tan nan futi kaɲi ra. Futi fan denbayae kui barima a denbaya kaɲie nun e xa die rakantama. Naxee Ala xui ramɛma lanma e xa ɲɛrɛ sɛriyɛe ma naxee lanxi xili sɛbɛfe ma futife ra. — Luki 2:1, 4, 5 xaran.

Ala futi toxi di ? A wama nɛ lanɲi abadan xa lu xamɛ nun a xa ginɛ tagi. Yehowah wama xamɛ nun a xa ginɛ xa tinxin e bore bɛ futi kui (Eburu 13:4). A mu wama fatanɲi xɔn ginɛ nun a xa xamɛ tagi (Malaki 2:16, TMN). Kɔnɔ Ala tinma xamɛ nun a xa ginɛ xa fatan xa keren sa yɛnɛ nan rabaxi. — Matiyu 19:3-6, 9 xaran.

2. Xamɛ nun a xa ginɛ lan e xa e bore masuxu di ?

Yehowah xamɛ nun ginɛ daaxi nɛ alako kankan xa a xa wali rakamali futi kui (Matiyu 19:4, 5). A to findixi denbaya kuntigi ra, xamɛ lanma a xa mɛɛni a xa denbaya ma a man xa e raxaran Ala kolonfe ra. Xamɛ lan a xa a xa ginɛ rafan ki fanɲi ra. Xamɛ nun a xa ginɛ lan e xa e bore xanu e e bore binya. Ba xamɛe nun ginɛe birin yunubitɔɛ, e lanma e xa diɲɛ e bore ma alako e xa sɛɛwa. — Efɛsɛ 4:31, 32 ; 5:22-25, 33 ; Piyɛri I 3:7 xaran.

3. Xa lanɲi mu na futi kui, xamɛ nun a xa ginɛ lan e xa fatan ?

Xa lanɲi mu na wo xa futi kui, wo kata wo wo bore masuxu xanunteya kui (Korinti I 13:4, 5). Kitaabui ma a masenxi a xamɛ nun a xa ginɛ lan e xa fatan alako e xa e xa kɔntɔfili yaiba. — Korinti I 7:10-13 xaran.

 4. Dimɛe, Ala wama nanse xɔnma wo bɛ ?

Yehowah wama wo xa sɛɛwa. A marasi fanɲi fima wo ma alako wo xa fonikeya xa fan. A wama wo xa wo xa kolonɲi xunmasa wo xa forie xaxilima xa misaali fanɲi ma (Kɔlɔsi 3:20). Won daali Mangɛ wama wo xa a waxɔnfe raba anun wo man xa sɛɛwɛ sɔtɔ na rabafe ra. — Lɔnnila 11:912:1, TMN ; Matiyu 19:13-15 ; 21:15, 16 xaran.

5. Barimae, wo nɔma wo xadie xa hɛɛri raxande di ?

Wo lan wo xa wali tinxinɲi kui alako wo xa mɛɛni baloe, xide nun sose fide wo xa die ma (Timote I 5:8). Kɔnɔ xa wo wama wo xa die man xa sɛɛwa, wo lan wo xa e raxaran Ala rafanfe ra anun e nɔma Ala kolonde ki naxɛ (Efɛsɛ 6:4). Wo wo xa xanunteya naxan masenxi fatanfe Ala ra nɔma findide misaali ra wo xa die bɛ. Xa a fatanxi Kitaabui ma, wo xa xaranɲi nɔma findide misaali ra e bɛ. — Sɛriyɛ firinyande 6:4-7, TMN ; Taalie 22:6, TMN xaran.

Wo xa die nɔma sɛɛwɛ sɔtɔde xa wo e ralimaniya wo man e matɔxɔ e xa wali fanɲi ma. Wo man lan wo xa e rasi, wo xa e xuru. Dimɛe xurufe nan nɔma e rakantade yuge kobi ma naxan nɔma e xa sɛɛwɛ xun nakanade (Taalie 22:15, TMN). Kɔnɔ na ma, wo naxa wo xa die xuru a mɔɔli n de ra alako limaniya naxa ba e yi. — Kɔlɔsi 3:21 xaran.

Yehowah xa Seedee buki wuyaxi nan taxunma naxan yailanxi barimae nun dimɛe bɛ. Na bukie xa lɔnni fatanxi Kitaabui nan ma. — Zabur 19:7, 11, TMN xaran.