Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Xibaaru FanƝi Naxan Kelixi Ala Ma !

 Xaranse 7

Nanse Ala xa Mangɛya ra ?

Nanse Ala xa Mangɛya ra ?

Nanse Isa findixi Mangɛ fanɲi ra ? — MARAKI 1:40-42.

1. Nanse Ala xa Mangɛya ra ?

Ala xa Mangɛya mangasanɲi nan a ra naxan sabatixi koore. A fama nɛ yi duniɲa mangasanɲi birin tide tongode a Ala waxɔnfe rakamali koore ra anun bɔxi ma. Xibaaru fanɲi n de nan na ki ! A gbe mu luxi, Ala xa Mangɛya xa adamadie waxɔnfe birin rakamali a xa mangasanɲi saabui ra. A lanɲi sama nɛ daali birin tagi duniɲa ma. — Daniyɛli 2:44, TMN ; Matiyu 6:9, 10 ; 24:14 xaran.

Mangɛ lan a xa lu mangɛ taa. Na Mangɛya xunma, Yehowah bara Isa findi mangɛ ra. — Waxayi 11:15 xaran.

2. Munfe ra Isa nan sugandixi na mangɛ ra ?

Isa nan findixi na Mangɛ ra barima a fan a man nu fe fanɲi nan xun magerema (Yaya 1:14). Safe na fari, sɛnbɛ yati na a bɛ adamadie malife ra, ba a luma koore nɛ a bɔxi yaamari. A to keli faxɛ ma, a naxa te koore a a magoro Yehowah yirefanɲi ma han na sa a findima mangɛ ra tɛmui naxɛ (Eburu 10:12, 13). A donxɔɛ ra, Ala naxa sɛnbɛ so a yi alako a xa duniɲa yaamari. — Daniyɛli 7:13, 14, TMN xaran.

3. Isa nun nde fama duniɲa yaamaride ?

“ Tinxin mixie ” n dee mayegetixi nɛ won yama alako e na faxa e xa te koore Isa malide nan Mangɛya ra (Daniyɛli 7:27, TMN). Na tinxin mixie singe naxee sungandi findi Isa xa xɛɛrae nan na. Na xanbi Yehowah naxa tinxintɔɛ gbɛtɛe sa e xunma, xamɛe nun ginɛe, han to lɔxɔɛ. Alo Isa, e fama nɛ rakelide faxɛ ma. — Yaya 14:1-3 ; Korinti I 15:42-44, TMN xaran.

 Mixi yeri tema koore ? Isa nee xili sa nɛ “ xuruse gɔɔrɛ lanma ” (Luki 12:32). E xasabi findima mixi wulu keren wulu tongo naani nun naani (144 000). Nee nun Isa nan fama bɔxi yaamaride. — Waxayi 14:1 xaran.

4. Nanse raba Isa to a xa yaamari fɔlɔ ?

Ala xa Mangɛya a xa wali fɔlɔxi kabi ɲɛ wulu keren kɛmɛ solomanani nun fu nun naani (1914) *. Isa xa kɛwali singe findi Sentanɛ nun a xa ɲinnɛe wolife nan na bɔxi ma. Na xɔnɛ kui, Sentanɛ fe ɲaaxie rabama duniɲa yire birin (Waxayi 12:7-10, 12). Kabi na raba, adamadie xa tɔɔrɛ xun bara masa ki fanɲi ra. Geree, kaamɛ, fure, nun bɔxi sɛrɛnfe na na “ tɔnxuma ” yama naxan a masenma a na Mangɛya fama duniɲa fe birin rasuxude. — Luki 21:7, 10, 11, 31 xaran.

5. Ala xa Mangɛya nanse raba fe ?

Duniɲa kawandi wali xa saabui ra, Ala xa Mangɛya bara lanɲi sa ɲama gbegbe tagi kelife si birin ma. Danxaniyatɔɛ wulu wulu nan findixi Isa xa mixie ra. Ala xa Mangɛya e ratangama nɛ a nɛ fama yi duniɲa fe birin sɔntɔde. Naxee wama lufe na Mangɛya bun ma e lanma e xa Isa xui suxu. — Waxayi 7:9, 14, 16, 17 xaran.

Na ɲɛ wulu keren (1 000) bun ma, na Mangɛya fama nɛ Ala ɲanige singe rakamalide adamadie bɛ. Bɔxi birin findima nɛ ariyanna ra. A donxɔɛ ra, Isa Mangɛya ragbilenma nɛ Ala ma (Korinti I 15:24-26). Mixi na a xɔli wo ma wo xa Ala xa Mangɛya fe fala naxan bɛ ? — Zabur 37:10, 11, 29, TMN xaran.

 

^ § 12 Xa wo wama kolonɲi sɔtɔfe Kitaabui xa masenɲi ma fatan fe ɲɛ wulu keren kɛmɛ solomanani nun fu nun nani (1914) ma, wo yi buki mato : Kitaabui nanse yati masenma ? Lengba kɛmɛ firin nun fu nun sulu (215) han kɛmɛ firin nun fu nun solomasaxan (218).