Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Xibaaru FanƝi Naxan Kelixi Ala Ma !

 Xaranse 8

Munfe ra Ala tinma fe ɲaaxie nun tɔɔrɛ ra ?

Munfe ra Ala tinma fe ɲaaxie nun tɔɔrɛ ra ?

Ala bara adamadie luna e xa e yɛtɛ yaamari waxati nde ma alako a xa masen a e sese mu nɔma duniɲa fe yaibade.

1. Fe ɲaaxi minixi di ?

Fe ɲaaxi minixi nɛ bɔxi ma Sentanɛ to wule singe fala. Malekɛ tinxinxi nan nu na Sentanɛ ra a fɔlɔɛ, kɔnɔ “ a mu tinma nɔndi ra ” (Yaya 8:44). A nu wama e xa a tan nan batu anun, Ala keren peti nan lan a xa batu. A naxa wule fala ginɛ singe bɛ, n ma Hawa, a na xa a tan nan xui rabatu dangife Ala ra. Benba Adama naxa bira n ma Hawa fɔxɔ ra, a fan naxa Ala xui matandi. Ala xui matandife nan a niyaxi tɔɔrɛe nun faxɛ naxa so duniɲa. — Fɔlɔɛ 3:1-6, 19, TMN xaran.

Sentanɛ n ma Hawa ratuntun nɛ Ala xui matandife ma, na fe bara a masen a Sentanɛ bara murutɛ won marigi Ala ma, a naxa a kobeso Ala xili xungbe kanɲi ma. Mixi gbegbe naxa bira Sentanɛ fɔxɔ ra e Ala xa xuntigiya matandi. Na nan a ra Sentanɛ naxa findi “ duniɲa nɔla ra ”. — Yaya 14:30 ; Yaya I 5:19 xaran.

2. Ala xa daalie nan mu nu fanxi ?

Ala xa wali birin fan. A mixie nun malekɛe naxee daa nee nu nɔma a xui suxude a ki nun a kiya ma (Sɛriyɛ firinyande 32:4, 5, TMN). A xɔrɛya luxi nɛ won bɛ alako won xa won waxɔnfe sugandi fe ɲaaxi nun fe fanɲi tagi. Na xɔrɛya saabui ra won nɔma won ma xanunteya masende Ala bɛ. — Yaki 1:13-15 ; Yaya I 5:3 xaran.

3. Munfe ra Ala tinxi han ya won ma tɔɔrɛ ra ?

Waxati danɲi n de ma, Yehowah tin nɛ mixie xa murutɛ ma fatanfe ra a xa mangɛya ra. Munfe ra ? Alako a xa a masen a adamadi yoo mu nɔma duniɲa yaamaride  a fanɲi ra bafe a tan na (Lɔnnila 7:29 ; 8:9, TMN). Ɲɛ wulu senni (6 000) dangi xanbi, duniɲa taruxui bara a masen a mangasanɲi yo mu nɔxi gere, faxɛ tife, tinxintareya nun fure dande. — Yeremi 10:23, TMN ; Rɔma 9:17 xaran.

Tide yo mu na to mangasanɲie bɛ kɔnɔ, Ala xa mangasanɲi tide na mixie bɛ naxee e yɛtɛ magoroma a bun ma (Esayi 48:17, 18, TMN). A gbe mu luxi, Yehowah xa to mangasanɲie sɔntɔ. Fo naxee Ala xa mangɛya sugandixi nee nan fama lude bɔxi ma. — Esayi 11:9, TMN. — Daniyɛli 2:44, TMN xaran.

Won fe naxee sugandima nee nan a masenma a won wama Ala xɔnma won xuntigi ra.

4. Ala xa diɲɛ a niyama won xa nanse raba ?

Sentanɛ a maɲɔxun nɛ a mixi yo mu nɔma Ala batude a bɔɲɛ fixɛ ra. A xɔli wo ma wo xa na wule makɛnɛ ? Wo nɔma ! Ala xa diɲɛ a niyama won birin xa a masen xa Ala xa Mangɛya rafan won ma dangife adamadie gbe ra. Won ma fe rabaki nan a masenma won naxan sugandixi. — Ayuba 1:8-12, TMN ; Taalie 27:11, TMN xaran.

5. Won nɔma Ala sugandide di won xuntigi ra ?

Won na a masenma a Ala nan won Kuntigi ra xa a xa diinɛ naxan sabatixi Kitaabui ma, won na fen, won xa a ragata (Yaya 4:23). Won Sentanɛ xɔn, won na won makuya mangɛya fenfe nun gere ra alo Isa a raba ki naxɛ. — Yaya 17:14 xaran.

Sentanɛ a sɛnbɛ rawalima alako a xa mixie ratuntu yɛnɛ rabefema anun fe ɲaaxie. Won nu won makuya na fe kobie ra, won boree nun won dɔxɔ booree nɔma won mayelede xa na mara e won raɲaaxu (Piyɛri I 4:3, 4). Won lan won xa fe keren sugandi. Won boree nɔma findide mixie ra Ala rafan naxee ma ? Won nɔma birade Ala xa tonɲi fanɲie fɔxɔ ra ? Xa won na raba, won na a masenma a Sentanɛ wule nan fala ato a maɲɔxun a adamadi yo mu nɔma Ala batude bɔɲɛ fixɛ ra tɔɔrɛ kui. — Korinti I 6:9, 10 ; 15:33 xaran.

Ala xa xanunteya adamadie bɛ bara a masen a fe ɲaaxie nun tɔɔrɛ danma nɛ. Naxee a masenxi a e laaxi na ra e luma nɛ bɔxi ma abadan. — Yaya 3:16 xaran.