Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo wo xa die raxaran

 XARANSE 8

Yosiya ɲɛrɛ bore fanɲie nan sugandi

Yosiya ɲɛrɛ bore fanɲie nan sugandi

I tan bɛ, fe xurudi nan na fe tinxinxi rabafe ra ? — Mixi gbegbe ɲɔxɔ a ma a yi kɔston yaabi na iyo nan na. Kitaabui didi n de xa fe falama naxan xili Yosiya, a fe xɔrɔxɔɛ nan nu a ra a bɛ a xa fe tinxinxi raba. Kɔnɔ bore fanɲie nu na a yi naxee nu nɔma a malide na ma. Won Yosiya nun a boree xa fe gbegbe matinkan.

Amon nan nu na Yosiya baba ra, a tan nan nu na Yudaya mangɛ ra. Amon nu fe kobie nan yati rabama, a nu kuyee batuma. Yosiya baba to faxa, Yosiya naxa findi Yudaya mangɛ ra. Kɔnɔ ɲɛ 8 nan tun nu na a yi ra. I tan bɛ a nu ɲaaxu alo a baba ? — Ade, a mu nu naa na ki xɛ !

Sefania nu mixie rasima e xa ba kuyee batufe

Hali a to nu na fonike ra, Yosiya nu wama Yehowah xui suxufe. Na ma, a a boree sugandi mixie nan yama Yehowah nu rafan naxee ma. E fan nu Yosiya malima alako a xa fe fanɲi raba. N dee nu na a na boree yama ?

Keren nu xili Sefania. Namiɲɔnmɛ nan nu Sefania ra naxan nu Yudaya mixie  rakolonma a fe kobie fama e lide xa e mu ba kuyee batufe. Yosiya a tuli mati nɛ Sefania ra, a naxa Yehowah batu.

Yosiya bore gbɛtɛ nu na naxan nu xili Yeremi. E nu maniya, e man mɔxi yire keren nɛ. Bore fanɲie nan nu e ra, Yosiya to faxa Yeremi naxa sigi fanɲi naxan a xatima sɛbɛ, a naxa a masen Yosiya xɔli nu a ma ki naxɛ. Yeremi nun Yosiya nu e boree malima alako e xa fe fanɲi raba e man xa Yehowah xui suxu.

Yosiya nun Yeremi nu e boree malima alako e xa fe fanɲi raba

Yosiya xa misaali nanse masenma won bɛ ? — Hali Yosiya to nu dimɛdi ra, a nu wama fe fanɲi nan rabafe. A nu a kolon a, a nu lanma a xa Yehowah xanuntenɲie nan findi a boree ra. Wo nɔma a kolonde a nɔndi na wo yi xa wo wo boree sugandi Yehowah xanuntenɲie yama, e nɔma wo malide alako wo xa fe fanɲi raba !

YI XARAN I XA KITAABUI KUI

  • Mangɛe xa taruxui II 33:21-25 ; 34:1, 2 ; 35:25, TMN