Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo wo xa die raxaran

 XARANSE 9

Yeremi mu tondi Yehowah xa fe falade

Yeremi mu tondi Yehowah xa fe falade

Munfe ra mixie nu xɔnɔxi Yeremi ma ?

Yehowah Yeremi rakisinɛ

Waxati n de, mixie won mayelema xa na mu a ra e xɔnɔ won ma won nɛ Yehowah xa fe falama. Na nɔma a niyade won tondi Ala xa fe falade. I bara i yɛtɛ makanta na fe mɔɔli ma ? — Kitaabui sagatala n de xa fe falama Yehowah nu rafan naxan ma ki fanɲi ra, kɔnɔ a gbe mu lu a xa tondi Yehowah xa fe falade mixie bɛ. A nu xili Yeremi. Won xa a xa fe n de matinkan.

Yeremi to nu na sagatala ra, Yehowah nu a falama a bɛ a, a xa ɲama rakolon e xa ba fe kobie rabafe. Fe xɔrɔxɔɛ nan nu na ki Yeremi bɛ, a nu gaaxufe. A naxa Yehowah bɛ : « N mu a kolon n nɔma naxan falade. Dimɛdi nan n na. » Kɔnɔ  Yehowah naxa a bɛ : « I naxa gaaxu. N i malima nɛ. »

Yeremi naxa mixie rakolon a e ɲaxankatama nɛ xa e mu e yuge kobie masara. I a kolon mixie naxan fala Yeremi to gɛ wɔyɛnde ? — Ade. A n dee naxa a mayele, n dee fan naxa xɔnɔ a ma. A n dee fan nu wama a faxafe ! I tan bɛ Yeremi nu na di ? — A nu gaaxufe a naxa a fala : « N mu Yehowah xa fe falama sɔnɔn. » Kɔnɔ a tondi nɛ na rabade ? — Ade, a mu tondi. Yehowah nu rafan a ma, na nan a niyan a mu tondi a xa fe falade. A to mu tondi Ala xa fe falade, Yehowah fan naxa a rakisi.

Misaali keren n de nan ya, mixi ɲaaxie naxa Yeremi wɔlɛ yili tilinxi kui bora naa dɛn naxɛ. Donse nun ye yo mu nu na naa. Na mixie nu wama a lufe mɛnni alako a xa faxa, kɔnɔ Yehowah naxa a rakisi !

I nɔma nanse matinkande Yeremi ma ? — Hali a to nu gaaxuma waxati n de ma, a mu tondi Yehowah xa fe falade. I nɛ Yehowah xa fe falama, mixie nɔma i mayelede xa na mu a ra e xɔnɔ i ma. Kɔnɔ i naxa tondi Yehowah xa fe falade. A i malima nɛ abadan, alo a Yeremi mali ki naxɛ.

I XARAN i XA KITAABUI KUI

  • Yeremi 1:4-8 ; 20:7-9 ; 26:8-19, 24 ; 38:6-13, TMN