Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo wo xa die raxaran

 XARANSE 4

A a Baba nun Yehowah raɲaxali nɛ

A a Baba nun Yehowah raɲaxali nɛ

Yefite nanse laayidi Yehowah bɛ ?

Fe xurudi mu nu na ki, kɔnɔ Yefite xa di ginɛ a, a baba xa laayidi rakamali nɛ

I yi tɛmɛdi toxi yi pirinti ma ? — Yefite xa di ginɛ nan a ra. Kitaabui mu a xili masenxi, kɔnɔ won na a kolon a, a Yehowah nun a baba raɲaxali nɛ. Won xa a tan nun a baba Yefite xa fe raba ki n dee matinkan.

Xamɛ fanɲi nan nu Yefite ra, a waxati gbegbe tongo nɛ alako a xa Yehowah xa fe matinkan a xa di ginɛ bɛ. Sɛnbɛma nun kuntigi fanɲi nan nu a ra. Na ma, Isirayilakae naxa a maxɔrin a, a xa findi e xa yarerati ra alako e xa e yaxuie gere.

Yefite naxa Ala maxandi alako a xa e mali e xa nɔ sɔtɔ e yaxuie ra. Yefite naxa laayidi tongo a : « Yehowah, xa i n mali, mixi singe naxan fama n ralande n nɛ gbilenma n xɔɲi, n na kanɲi fima nɛ i ma.  Na kanɲi sa walima nɛ i xa hɔrɔmɔbanxi kui. » Mixie nu sigama Ala batude na hɔrɔmɔbanxi kui waxati birin. Yefite naxa na gere nɔ sɔtɔ ! I a kolon n de singe fa a ralande ? —

Iyo, Yefite xa di ginɛ ! A keren na nu a yi, a nu lanma sɔnɔ a xa a xa di ginɛ luna a xa siga. Na naxa a ya maɲɔxun ki fanɲi ra. Kɔnɔ i ratu, a nu bara laayidi tongo. Ato nu na sigafe, a xa di ginɛ naxa a fala : « N ba, I bara laayidi tongo Yehowah bɛ, na ma i lan i xa i xui suxu. »

Ɲɛ yo ɲɛ, Yefite xa di ginɛ boree nu fama a xɛɛbude

Yefite xa di ginɛ fan ya maɲɔxun nɛ. Ala xa hɔrɔmɔbanxi kui, a mu nu nɔma dɔxɔde xamɛta, a man mu nu nɔma die baride. Kɔnɔ a waxɔnfe yati nan nu a ra a xa a baba xa laayidi rakamali alako a xa Yehowah raɲaxalin. Na tide nu gbo dangife xamɛta nun di barife ra. A keli na ki nɛ a xɔɲi a naxa siga Ala xa hɔrɔmɔbanxi kui han a xa lɔxɔɛ donxɔɛ.

I tan bɛ a fe naxan raba na Yehowah nun a baba raɲaxalin nɛ ? — Iyo ki fanɲi ra ! Xa i fan Yehowah rafan, i a xui suxu alo Yefite xa di ginɛ, i Yehowah nun i xa forie raɲaxalinma nɛ.

YI XARAN I XA KITAABUI KUI

  • Sɛriyɛ firinyande 6:4-6, TMN

  • Kiitisae 11:30-40, TMN

  • Korinti I 7:37, 38