Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo wo xa die raxaran

 XARANSE 13

Timote nu wama mixie malife

Timote nu wama mixie malife

Timote nu na fonike nan na naxan nu ɲaxalinma mixie malife ra. A biyaasi nɛ yire gbegbe alako a xa boree mali, barima na nu rafan a ma ki fanɲi ra. A xɔli i ma i xa i xa kolonɲi xun masa a xa fe ma ? —

Timote maama nun an n ga nu a raxaranma Yehowah xa fe ra

Timote mɔxi Lisitire taa nan kui. A to nu xurun, a maama Lowisi nun a n ga Ewinise, naxa a matinkan fɔlɔ Yehowah xa fe ra. Timote to nu mɔma, a waxɔnfe nan nu a ra a xa boree mali Yehowah kolonde.

Timote to findi sagatala ra, Pɔlu naxa a fala a bɛ a e xa biyaasi alako e xa siga kawandi ti yire gbɛtɛe. Timote naxa a fala : « Iyo ! » A nu gbataxi sigade boree malide.

 Timote nun Pɔlu naxa biyaasi sigafe Masedon taa kui dɛn naxan nu xili Tɛsaloniki. Alako e xa mɛnni li, e nu lanma e ɲɛrɛ xɔn kuye raba e man xa kunkui tongo. E to fa mɛnni, e naxa mixi gbegbe mali Yehowah kolonfe ra. Kɔnɔ mixi n dee nu xɔnɔxi, e nu wama fe ɲaaxi rabafe e ra. Na ma Pɔlu nun Timote nu lanma e xa keli naa e xa siga yire gbɛtɛe.

Timote nu sɛɛwaxi a man nu wakili

Ɲɛ n dee dangi xanbi, Pɔlu naxa a fala Timote bɛ a xa gbilen Tɛsaloniki a xa a to e ngaxakerenɲie na ki naxɛ. Limaniya gbegbe nan nu na ki gbilenfe ra na taa kui. Kɔnɔ Timote siga nɛ naa barima a nu kɔntɔfilixi a ngaxakerenɲie xa fe ra naxee naa na taa kui. A naxa gbilen fa ra xibaaru fanɲi ra Pɔlu xɔn. Tɛsaloniki ngaxakerenɲie nu fe fanɲie nan rabama !

Timote wakili nɛ a tan nun Pɔlu han ɲɛ wuyaxi bunma. Pɔlu naxa bataaxɛ sɛbɛ a : « Timote mixi fanɲi nan a ra, n naxan xɛɛxi alako a xa siga danxaniyatɔɛ ɲamae mali. » Yehowah nu rafan Timote ma, mixie fan nu rafan a ma.

Mixie rafan i ma, a xɔli i ma i xa e mali Yehowah kolonde ? — Xa i wama na xɔn, i nɔma ɲaxalinɲi nun sɛɛwa sɔtɔde na rabafe ra alo Timote.

YI XARAN I XA KITAABUI KUI

  • Timote II 1:5 ; 3:15

  • Xɛɛrae xa taruxui 16:1-5 ; 17:1-10

  • Tɛsaloniki I 3:2-7

  • Filipi 2:19-22