Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo wo xa die raxaran

 XARANSE 2

Rebeka nu wama Yehowah raɲaxalinfe

Rebeka nu wama Yehowah raɲaxalinfe

Ginɛ nan nu na Rebeka ra Yehowah nu rafan naxan ma. Isiyaga nan nu na a xa mɔri ra. Yehowah nu rafan a fan ma. A tan nun Isiyaga e boree ralan di ? A a masen di a, a nu wama Yehowah xa sɛɛwa ? Won xa a xa fe n dee mato.

Isiyaga barimae nu na Iburahima nun Sara nan na. E nu sabatixi Kanaan, naa mixie mu nu Yehowah batuma. Iburahima mu nu wama futi xiri yo xɔn a xa di nun Kanaan ginɛ yo tagi ba e mu nu Yehowah batuma. A a xa walikɛ Eliyeseri xɛɛ na ki nɛ Xarani alako a xa siga ginɛ fen Isiyaga bɛ a xa mixi n dee nu sabatixi dɛn naxɛ.

Rebeka nu wakilixi wali xɔrɔxɔɛ rabade alako a xa ye so ɲɔxɔmɛe yi.

Eliyeseri naxa biyaasi a tan nun Iburahima xa walikɛ gbɛtɛe. Yire makuye nan nu naa ra. E naxa ɲɔxɔmɛ fu xani e xun, donsee nu dɔxɔxi naxee fari anun sanbasee. Eliyeseri a kolon di a, a nu lanma a xa ginɛ mundu sugandi Isiyaga bɛ ? Eliyeseri nun na walikɛ gbɛtɛe to fa Xarani, e naxa e magoro kɔlɔnɲi n de fɛ ma barima Eliyeseri nu a kolon a mixie nu fama nɛ naa ye bade. A naxa Yehowah maxandi, a a fala : « Xa n sa sungutunɲi n de maxɔrin a xa n ki ye, xa a ye fi n ma a man ye so n ma ɲɔxɔmɛe yi, n na a kolonma nɛ n lan n xa a tan nan sugandi. »

Nama sungutunɲi n de, naxan nu xili Rebeka naxa fa kɔlɔn dɛ. Kitaabui naxɛ a, a nu rayabu ki fanɲi ra. Eliyeseri naxa a maxɔrin a xa a ki ye, a naxa a fala : « Munfe ra n tondima, n ye soma nɛ i yi anun n sigama nɛ fan n sa ye ba i xa ɲɔxɔmɛe bɛ. » I maɲɔxun dondoronti ! Ye xɔli nu na ɲɔxɔmɛe ma ki fanɲi ra, e naxa ye gbegbe min, Rebeka a gi nɛ kɔlɔn dɛ ra sanbaya gbegbe. I bara a to yi pirinti ma a na walife ki naxɛ a xɔrɔxɔɛ ra ? — Eliyeseri nu kaabaxi a to a to Yehowah a xa sali yaabi ki naxɛ.

Eliyeseri naxa sanbase gbegbe fi Rebeka ma. Rebeka naxa Eliyeseri nun a walikɛ boree maxili alako e xa siga a xɔnɲi. Eliyeseri naxa a masen Rebeka bɛ munfe ra Iburahima a xɛɛxi mɛnni anun Yehowah a xa sali yaabi ki naxɛ. Rebeka xa denbaya sɛɛwa nɛ ki fanɲi ra e xa di ginɛ fide Isiyaga ma futi ra.

Rebeka naxa siga Kanaan a tan nun Eliyeseri, a naxa findi Isiyaga xa ginɛ ra.

Kɔnɔ i tan xa maɲɔxunɲi ma, Rebeka nu wama findife Isiyaga xa ginɛ ra ? — Rebeka nu a kolon a Yehowah nan Eliyeseri xɛɛ Xarani. Na ma, Rebeka xa denbaya to a maxɔrin xa a waxɔnfe nan a ra a xa siga Kanaan alako a xa findi Isiyaga xa ginɛ ra, a naxa a fala : « Iyo, n wama sigafe. » Mafure a tan nun Eliyeseri naxa siga. E to fa Kanaan, futi naxa xiri a tan nun Isiyaga tagi.

Ba Rebeka Yehowah waxɔnfe nan raba, Yehowah naxa a barika. Ɲɛ gbegbe dangi xanbi, nabilaye Isa keli a xa denbaya nan kui ! Rebeka Yehowah raɲaxalin ki naxɛ, xa wo fan a raɲaxalin na ki, a wo barikama nɛ.

YI XARAN I XA KITAABUI KUI

  • Fɔlɔɛ 12:4, 5 ; 24:1-58, 67, TMN