Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo wo xa die raxaran

 XARANSE 11

E Isa xa taruxui sɛbɛ nɛ

E Isa xa taruxui sɛbɛ nɛ

I yi xamɛe toxi yi pirinti ma ? — Matiyu, Maraki, Luki, Yaya, Piyɛri, Yaki, Yude nun Pɔlu nan e ra. E birin nu na bɔxi ma Isa xa waxati, e tan nan man Isa xa taruxui sɛbɛ. Won xa e xa fee matinkan.

I nanse kolon yi xamɛe xa fe ra ?

Mixi saxan nu na e yama naxee nu na Isa xa xɛɛrae ra e nu kawandi tima e nun Isa. I a kolon n de nu na e ra ? — Matiyu, Yaya nun Piyɛri. Isa xa xɛɛrae Matiyu nun Yaya nu a kolon ki fanɲi ra, kankan Isa xa  taruxui sɛbɛ nɛ. Nabilaye Yaya nan yi buki sɛbɛ naxan xili Waxayi anun yi baataxɛ saxanɲie naxee xili : Yaya I, Yaya II, Yaya III. Nabilaye Piyɛri baataxɛ firin nan sɛbɛ Kitaabui kui. E xili Piyɛri I anun Piyɛri II. A xa baataxɛ firinde kui, Piyɛri yi masenɲi sɛbɛ nɛ fatanfe Yehowah ra a wɔyɛn dɛn naxɛ kabi koore Isa xa fe ra : « N ma di xanunxi nan yiki naxan n kɛnɛnxi ki fanɲi ra. »

Yi xamɛ bore naxee na yi pirinti ma, Isa xa fe falaxi nɛ e xa bukie kui. Keren nu na e yama naxan nu xili Maraki. Tɛmunde mixie to Isa suxu, a nu na naa a na fe birin yi gbɛ nɛ. Gbɛtɛ fan xili Luki. Seriba nan nu a ra i sa a li a findixi nɛ danxaniyatɔɛ ra Isa faxa xanbi.

Kitaabui sɛbɛma firin gbɛtɛ naxee yi pirinti ma nu na Isa xunɲae nan na. I e xili kolon ? — E xili nɛ Yaki nun Yude. A fɔlɔɛ, e mu nu laxi Isa ra. E nu ɲɔxɔ a ma a daxui nan nu Isa ra. Kɔnɔ Isa faxa xanbi e naxa findi danxaniyatɔɛe ra.

I Kitaabui sɛbɛma dɔnxɔɛ naxan tofe yi pirinti ma xili nɛ Pɔlu. Beenun a xa findi danxaniyatɔɛ ra, a nu xili Sɔlu. Danxaniyatɔɛe nu raɲaaxu a ma ki fanɲi ra. I a kolon nanse Pɔlu masɔtɔ beenun a xa findi isayanka ra ? — Lɔxɔ n de, Pɔlu to nu biyaasife kira xɔn, a naxa mixi n de xui ramɛ naxan nu na a xilife kabi koore ra. Isa nan nu a ra ! A naxa Pɔlu maxɔrin : « Munfe ra i danxaniyatɔɛe ɲaxankatafe ? » Na dangi xanbi, Pɔlu naxa a yuge masara a fa findi isayanka ra. Pɔlu naxa buki 14 sɛbɛ Kitaabui kui kelife Rɔma ma han Eburu.

Won Kitaabui xaranma lɔxɔ yo lɔxɔ, ka ? — Won nɛ Kitaabui xaranma, won fe gbegbe kolon ma naxan fatanxi Isa ra. A xɔli i ma i xa fe gbegbe kolon Isa xa fe ra ? —

YI XARAN I XA KITAABUI KUI

  • Piyɛri II 1:16-18

  • Maraki 3:21 ; 14:51

  • Yude 1

  • Xɛɛrae xa taruxui 9:1-18