Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo wo xa die raxaran

 XARANSE 6

Dawuda mu nu gaaxuma

Dawuda mu nu gaaxuma

I nanse rabama xa i gaaxu ? — I sa a li i i gima nɛ i baba nun i n ga yire alako e xa i mali. Kɔnɔ mixi gbɛtɛ naa naxan nɔma i malide. A sɛnbɛ gbo dangife birin na. I a kolon n de a ra ? — Iyo, Yehowah Alatala nan na ki. Won sagatala n de xa fe mato Kitaabui naxan xilima Dawuda. A nu a kolon a Yehowah waxɔnfe nan nu a ra a xa a mali, na ma, a mu nu gaaxuma.

Kabi Dawuda nu na diyɔrɛ ra, a barimae nu a matinkanma Yehowah xa fe ma. Na nan Dawuda mali alako a naxa gaaxu sese ya ra hali se naxa mixi magaaxuma. A nu a kolon a Yehowah xanuntenɲi nan nu a ra, na nan nu a malima. Lɔxɔ n de, Dawuda to nu a xa yɛxɛɛe rakantafe, yɛtɛ belebele naxa fa a naxa yɛxɛɛ keren suxu a dɛ ra ! I a kolon Dawuda nanse raba ? A bira nɛ yɛtɛ fɔxɔ ra a na faxa a bɛlɛxɛ ra ! Lɔxɔ gbɛtɛ fan sube magaaxuxi belebele naxan nun wula bare maniyaxi n de man naxa yɛxɛɛ keren suxu, Dawuda naxa na fan faxa ! I tan bɛ n de Dawuda mali ? — Iyo, Yehowah nan a ra.

Waxati gbɛtɛ fan, Dawuda nu wakili. Isirayilakae nun ɲama n dee nu geresofe naxee nu xili Filistin. E xa sɔɔri keren nu kuya ki fanɲi ra, gbangbalanɲi nan yati nu a ra ! A nu xili Goliyati. Na gbangbalanɲi nu Isirayilakae xa sɔɔri nun Yehowah mayelema. A naxa gere giri Isirayilakae ma alako nee xa fa a gere. Kɔnɔ Isirayilakae birin nu gaaxuma a ya ra. Dawuda to na mɛ, a naxa a fala Goliyati bɛ : « N i gerema nɛ ! Yehowah n malima nɛ, i lɔsima nɛ ! » I mu a kolon a Dawuda wakili ? — Iyo, a nu wakili yati. I wama a kolonfe naxan mini na xanbi ?

Dawuda naxa a xa laati nun gɛmɛ fanɲi suli tongo, a naxa siga na gbangbalanɲi gerede. Goliyati to a to Dawuda nu xurunxi ki naxɛ, a naxa a mayele. Kɔnɔ Dawuda naxa a bɛ : « I fafe n mabiri i tan nun i xa santidɛgɛma ra, kɔnɔ n tan fafe i mabiri Yehowah nan xili ra. » A to gɛ na falade a naxa gɛmɛ keren tongo a a sa a xa laati kui, a fa Goliyati gɔnɔ a ra.  Na gɛmɛ naxa so a tigi kui ! Goliyati naxa bira bɔxi a naxa faxa ! Filistin sɔɔrie birin naxa gaaxu, e naxa e gi. Yi xamɛdi alo Dawuda nɔ sɔtɔxi di sɔɔri belebele ra ? — Yehowah nan a mali, ba Yehowah nan sɛnbɛ birin kanɲi ra !

Dawuda mu nu gaaxuma barima a nu a kolon a Yehowah wama a malife

I nɔma nanse matinkande Dawuda xa taruxui saabui ra ? — Yehowah nan sɛnbɛ birin kanɲi ra. I rafan a ma. Na ma, xa i gaaxu lɔxɔ n de, i ratu a Yehowah nɔma i malide alako i xa limaniya.

YI XARAN I XA KITAABUI KUI

  • Zabur 56:3, 4, TMN

  • Samuweli I 17:20-54, TMN