Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Maseɲi n de fatanfe Kitaabui xa fe ma

 KƆSTƆN 2

Wo nɔma Ala kolonde di ?

Wo nɔma Ala kolonde di ?

« Yi Sɛriyɛ buki mu lan a xa makuya i dɛ ra, i lanma i xa a xaran i xui igoroxi ra kɔɛ nun yaɲi, alako naxan birin sɛbɛxi a kui, i xa na raba ; na nan i xa fe sɔnɛyama i man nu fa fee raba xaxili ra »

(Yosuwe 1:8, TMN).

« E nu Ala xa maseɲi xaranma Kitaabui kui ; e nu naxan xaranma, e nu na fatanfasima a fiixɛ ra e man nu na xaraɲi fahaamui fima. E ɲama mali na ki nɛ alako e nu naxan xaranma, ɲama xa nɔ faahamui sɔtɔde na ma »

(Nehemiya 8:8, TMN).

« Sɛɛwa na adamadi nan bɛ naxan mu ɲɛrɛma mixi ɲaaxie xa marasie ma, [...] kɔnɔ a ɲaxaliɲi sɔtɔma Yehowah xa sɛriyɛ nan kui, a a xa sɛriyɛ xaranma a xui igoroxi ra yaɲi nun kɔɛ. A luma nɛ alo wuri bili naxan tixi xure dɛ, wuri bili naxan bogima a waxati, naxan lagi mu xarama. Na kaɲi nu fefe yo suxu a sɔnɛyama nɛ a bɛ »

(Zabur 1:1-3, TMN).

« Filipu naxa siga a gi ra. A naxa Etiyopika xui mɛ, a nu Annabi Esayi xa Kitaabui xaranfe. A naxa a maxɔrin : “ I naxan xaranfe yi ki, i a fahaamuxi ? ” A naxa a yaabi : “ N nɔma na ra di, xa mixi yo mu na naxan a tagi rabama n bɛ ? ” »

(Xɛɛrae xa taruxui 8:30, 31).

 « Kabi duniɲa daa tɛmui, Ala naxan mu toma, a naxa a yɛtɛ masen. Adamadi birin nɔma a kolonde a Ala na na yati, naxan sɛnbɛ mu danma, barima yi bara makɛnɛn e bɛ a fiixɛ ra a xa wali fɔxi saabui ra. Na kui, tinxintaree mu nɔma sese falade naxan kiiti fanma e bɛ »

(Rɔma 1:20).

« I xa na rabatu sɛnbɛ ra, alako mixi birin xa i ɲɛrɛ ki to i sigama yare ki naxɛ »

(Timote I 4:15).

« Won xa mɛɛni won bore ma, alako won xa won bore ralimaniya won xa lu xanunteya nun wali fanyi kui. Won naxa won ma malanyie rabolo de »

(Eburu 10:24, 25).

« Xa fahaamui mu na mixi nde yi ra wo ya ma, a kanyi xa Ala maxandi. A a sɔtɔma nɛ, barima Ala mixi birin kima a yiriwaxi ra a xa fonisireya ma »

(Yaki 1:5).