Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo xa denbaya nɔma ɲaxalinɲi sɔtɔde

 SƐTI 8

Xa gbaloe wo masɔtɔ

Xa gbaloe wo masɔtɔ

« Na kui, sɛɛwɛ na wo bɛ, hali wo to na tɔɔrɛ mɔɔli birin kui yi saxanyi. » (Piyɛri I 1:6).

Hali wo katɛ birin naba alako wo xa futi nun wo xa denbaya xa sɛɛwɛ sɔtɔ, fe n dee nɔma rabade naxan a niyama wo xa sɛɛwɛ dan (Lɔnnila 9:11, TMN). Ala xanuntɔɛ fanɲi wo malima nɛ wo xa sɛnbɛ sɔtɔ alako wo xa nɔ wo xa tɔɔrɛ raxande. Xa wo bira Kitaabui xa sɛriyɛe fɔxɔ ra, a xɔrɔxɔ ki yo ki wo tan nun wo xa denbaya fɛɛrɛ sɔtɔma nɛ tɔɔrɛ raxanfe ra, hali fe xɔrɔxɔɛe kui.

 1 WO WO XAXILI TI YEHOWAH RA

KITAABUI NAXAN MASENXI : « Wo xa wo xa kɔntɔfili birin so a yi ra, barima a ɲɛngi sama wo xɔn ma » (Piyɛri I 5:7). Wo wo ratu waxati birin a wo xa tɔɔrɛ mu fatanxi Ala xa mu na (Yaki 1:13). Xa wo wo maso a ra, a wo malima nɛ ki fanɲi ra (Esayi 41:10, TMN). « Wo wo bɔɲɛ kui fe fala a bɛ ». (Zabur 62:8, TMN.)

Wo man bɔɲɛsa sɔtɔma nɛ xa wo Kitaabui xaran lɔxɔ yo lɔxɔ. Na xanbi, wo xaxili sɔtɔma nɛ fatanfe ra Yehowah « mixie ralimaniyama e xa fe birin kui » ki naxɛ (Korinti II 1:3, 4 ; Rɔma 15:4). A bara laayidie tongo a a « bɔɲɛsa nun xaxilisa fima nɛ wo ma naxan mɔɔli mu toma yi duniɲa fari ». (Filipi 4:6, 7, 13.)

WO NƆMA NAXAN NABADE :

  • Wo sali alako wo xa Yehowah xa maliya sɔtɔ na nan a niyama wo bɔɲɛ xa sa, wo man xa nɔ wo maɲɔxunde a fanɲi ra

  • Wo gbilen kiraya birin mato ra, kiraya naxan sɔtɔma wo yi, wo na sugandi

2 WO WO YƐTƐ MAKANTA WO NUN WO XA DENBAYA

KITAABUI NAXAN MASENXI : « Xaxilima bɔɲɛ kolonɲi sɔtɔma, lɔnnilae tuli kolonɲi fenma » (Taalie 18:15, TMN). Wo fe birin mato. Kankan xayi na naxan ma wo xa denbaya kui wo na fen. Wo wɔyɛn e bɛ. Wo wo tuli mati e ra (Taalie 20:5, TMN).

Wo nanse rabama xa wo mixi naxan rafanxi faxa ? Wo naxa gaaxu wade. Wo naxa nɛɛmu a hali Isa « wa » nɛ (Yaya 11:35 ; Lɔnnila 3:4, TMN). Wo malabufe nun xife fan tide gbo (Lɔnnila 4:6, TMN). Na nɔma wo malide wo xa waxati xɔrɔxɔɛ nɔ sɔtɔ.

WO NƆNA NAXAN NABADE :

  • Beenun waxati xɔrɔxɔɛ xa fa, wo dɛ masaraɛ findi wo dari fe ra wo nun wo xa denbaya. Na tɛmui xa kɔntɔfili sa e masɔtɔ e mu yaagi ma wɔyɛnde wo bɛ

  • Wo wɔyɛn mixie ra naxee nu bara nɔ sɔtɔ na fe mɔɔli ra

 3 WO MALIYA SƆTƆ WO XAYI NAA NAXAN MA

KITAABUI NAXAN MASENXI : « Bore fanɲi a xa xanunteya masenma waxati birin, mixi nan a ra naxan na i fɛ ma tɔɔrɛ waxati » (Taalie 17:17, TMN). Wo boree wama wo malife, kɔnɔ e mu a kolon e naxan nabama. Wo naxa yaagi a falade e bɛ wo wama naxan yati xɔn ma (Taalie 12:25, TMN). Wo man xa maliya fen mixie fɛ ma naxee Kitaabui kolon. E marasi naxee fima wo ma, na nɔma wo malide (Yaki 5:14).

Wo maliya sɔtɔma nɛ wo xayi naa naxan ma wo nu wo malan wo nun mixi naxee danxaniyaxi yati Ala ma anun e man laxi a xa laayidie ra. Wo bɔɲɛsa gbegbe sɔtɔma nɛ wo nu mixie mali naxee xayi naa limaniya ma. Wo wo xa danxaniya Yehowah ma anun a xa laayidie yi taxun mixie ra. Wo wo tunnabɛxi mixie malife ra naxee xayi naa maliya ma, wo man naxa wo makuya mixie ra wo rafan naxee ma e man e maɲɔxunma wo ma (Taalie 18:1, TMN ; Korinti I 15:58).

WO NƆMA NAXAN NABADE :

  • Wo a fala wo bore keren bɛ, wo man xa a lu na a xa wo mali

  • Wo tinxin wo waxɔnfee ra

Xa I WAMA I XA KOLOƝI XUN MASAFE

XIBAARU FANƝI NAXAN KELIXI ALA MA !

Munfe ra Ala tinma fe ɲaaxie nun tɔɔrɛ ra ?

Fe ɲaaxi minixi di, anun munfe ra Ala tinxi han ya won ma tɔɔrɛ ra ? Tɔɔrɛ ɲɔn manɛ lɔxɔ nde ?