Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo xa denbaya nɔma ɲaxalinɲi sɔtɔde

 SƐTI 4

Won na won ma kɔbiri yusima di

Won na won ma kɔbiri yusima di

« Naxee marasi fenma, e waxɔnfe fanma nɛ. » (Taalie 20:18, TMN).

Won birin xayi naa kɔbiri ma alako won xa nɔ won ma denbaya waxɔnfe rakamalide (Taalie 30:8, TMN). Bafe nee birin na, « kɔbiri fan mixi makantama ». (Lɔnnila 7:12, TMN.) Lɛɛri n de futi kui, kɔbiri fe falafe nɔma xɔrɔxɔde, kɔnɔ wo naxa a lu na a xa fa gere ra wo xa denbaya kui (Efɛsɛ 4:32). Denbaya kaɲie lanma e xa la e bore ra e man lanma e xa wali yire keren alako e xa a kolon e nɔma kɔbiri yuside ki naxɛ.

 1 WO FEE RAƝƐRƐKI RAFALA

KITAABUI NAXAN MASENXI : « Xa mixi n de sa wa koore banxi xungbe tife wo ya ma, fo a xa dɔxɔ nɛ sinden, a mato kɔbiri xasabi naxan nɔma na banxi tide, alako a xa a kolon xa a xa fɛɛrɛ nɔma na wali raɲɔnde » (Luki 14:28). I fafe i xa kɔbiri yuside ki naxɛ, i lanma i xa na fala i xa xamɛ xa na mu i xa ginɛ bɛ beenun a lɔxɔɛ xa a li (Amosi 3:3, TMN). I lanma i xa a fala i wama naxan sarafe anun i kɔbiri xasabi naxan yusima na se sarafe ra (Taalie 31:16, TMN). Kɔbiri to luxi i yi, na xa mu a niyama a i lan i xa se gbegbe sara. I naxa doni ti. Kɔbiri xasabi naxan naa i yi, i lan i xa na nan tun yusi (Taalie 21:5 ; 22:7, TMN).

WO NƆMA NAXAN NABADE :

  • Kike nu ɲɔn, xa kɔbiri dɔnxɔɛ lu i yi, i lan i xa a fala i bore bɛ i lanma i xa naxan naba a ra

  • Xa sese mu lu i yi kike raɲɔnɲi, a n de ba i xa depansie ra. I nɔma donse ɲinde i yɛtɛ kan bɛ beenun i xa a sara tande

 2 I BƆƝƐ KUI FE FALA I NAXA FEE RAXƆRƆXƆ

KITAABUI NAXAN MASENXI : « Muxu fe fanɲi nan tun fenma na wali kui Marigi nun adamadie ya xɔri » (Korinti II 8:21). Tinxin i xa xamɛ xa na mu i xa ginɛ bɛ fatanfe ra i naxan sɔtɔma anun i naxan depansi ma.

Waxati birin i xun ti i xa xamɛ xa na mu i xa ginɛ ra xa i wama fe n dee rabafe naxan fatanxi kɔbiri ra (Taalie 13:10, TMN). Kɔbiri fe falafe i xa denbaya kui nɔma lanɲi sade wo xa futi kui. I naxan sɔtɔma kike bun ma, i naxa na findi i gbe ra kɔnɔ a findi denbaya gbe ra (Timote I 5:8).

WO NƆMA NAXAN NABADE :

  • Wo kɔbiri xasabi n de fala kankan nɔma naxan yuside. Wo nu na raba, mixi yo mu lan a xa a bore maxɔrin

  • Wo naxa mamɛti han kɔntɔfili n dee xa fa beenun wo xa kɔbiri fe fala wo bore tagi