Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo xa denbaya nɔma ɲaxalinɲi sɔtɔde

 SƐTI 2

Wo tinxin wo bore bɛ

Wo tinxin wo bore bɛ

« Ala bara naxee xiri e bore ra adama naxa nee rafatan. » (Maraki 10:9).

Yehowah wo maxilima « wo xa tinxin a ma ». (Mika 6:8, TMN.) Na nan tide gbo futi kui barima xa tinxinɲi mu naa futi kui, xamɛ nun a xa ginɛ mu nɔma lade e bore ra. Anun tinxinɲi a niyama e xa sɛɛwa xanunteya kui.

To, tinxinɲi to xɔnɔ futi kui. Xa wo wama wo xa futi makantafe, wo lanma wo xa wo tunnabɛxi fe firin rabade.

 1 WO WO XA FUTI FINDI FE SINGE RA

KITAABUI NAXAN MASENXI : « Alako wo xa nɔ a kolonde fe naxan tide gbo ». (Filipi 1:10.) Wo xa futi findixi fe singe n de nan na naxan tide gbo wo xa duniɲa kui. A tan nan lanma a xa sa yare.

Yehowah wama i xa i ɲɔxɔ sa i xa xamɛ xa na mu i xa ginɛ xɔn anun a man wama wo firin xa « sɛɛwa wo xa duniɲa ra ». (Lɔnnila 9:9, TMN.) A a falama fan a i mu lanma i xa nɛɛmu i xa xamɛ xa na mu i xa ginɛ ma, kɔnɔ wo lanma wo xa kiraya n dee fen alako wo xa wo bore rasɛɛwa (Korinti I 10:24). I xa xamɛ xa na mu i xa ginɛ rafan, i man xa a matɔxɔ.

WO NƆMA NAXAN NABADE :

  • La a ra a i nun i xa xamɛ xa na mu i xa ginɛ waxati wuyaxi radangima yire keren i man xa i yɛtɛ kan xa waxati fi i bore ma

  • I maɲɔxun i « bore ma » i naxa i maɲɔxun i « yɛtɛ kan » tun ma

 2 I BƆƝƐ MAKANTA

KITAABUI NAXAN MASENXI : « Kɔnɔ n tan xa a fala wo bɛ, naxan yo a ya ti ginɛ n de ra milɛ kui, na kaɲi bara gɛ yɛnɛ rabade a bɔɲɛ kui » (Matiyu 5:28). Xa mixi n de a tunnabɛxi a maɲɔxunfe ra yɛnɛ fee ma, won na a falama nɛ a na kaɲi mu tinxinxi a xa xamɛ xa na mu a xa ginɛ bɛ.

Yehowah naxɛ a i lanma i xa « i bɔɲɛ makanta ». (Taalie 4:23, TMN ; Yeremi 17:9, TMN.) Alako i xa na raba, i lanma i xa i ya makanta (Matiyu 5:29, 30). Bira Ayuba xa misaali fɔxɔ ra naxan laayidi tongo a ya bɛ a a mu ginɛ gbɛtɛ yo matoma milɛ kui (Ayuba 31:1, TMN). I mu lanma i xa filimue xa na mu pirintie mato yɛnɛ rabama naxee kui. I mu lanma fan i xa ginɛ gbɛtɛ mato milɛ kui naxan mu na i xa ginɛ ra.

WO NƆMA NAXAN NABADE :

  • A masen birin bɛ a i i bɔɲɛ fixi i xa xamɛ xa na mu i xa ginɛ nan ma a man rafan i ma ki fanɲi ra

  • I xa xamɛ xa na mu i xa ginɛ xa marafanɲi suxu gbengben, i man xa danɲi sa boreya ma naxan mu rafan i xa xamɛ xa na mu i xa ginɛ ma