Siga a kui

Siga a suratunyi radunkexi

Yehowah xa Seedee

Xui sugandi Soso xui

 SƐTI 9

Wo Yehowah batu wo xa denbaya kui

Wo Yehowah batu wo xa denbaya kui

« Wo xa wo igoro a bɛ, naxan koore, bɔxi, [...] daaxi. » (Waxayi 14:7).

Alo wo to a kolonxi yi buki lanma kui, masenɲi gbegbe naa Kitaabui kui naxee nɔma wo nun wo xa denbaya malide. Yehowah wama wo xa sɛɛwa. A bara laayidi tongo a xa wo a batufe findi fe singe ra wo xa duniɲa kui « a na se dɔnxɔɛ birin fan fima nɛ wo ma ». (Matiyu 6:33.) A fan yati wama wo xa findi a xanunteɲi ra. Wo wo xa xanunteya masen Ala bɛ waxati birin. Fe belebele nan na ki adamadi nɔma naxan sɔtɔde (Matiyu 22:37, 38).

 1 WO WO XA XANUNTEYA SƐNBƐ XUN MASA WO NUN YEHOWAH

KITAABUI NAXAN MASENXI : « Ala Xili Xungbe Kaɲi xa masenɲi nan ya : “ N findima wo baba nan na, wo tan fan findi n ma die ra ” » (Korinti II 6:18). Ala wama wo xa findi a xanunteɲi ra. Sali nɔma wo malide wo xa findi a xanunteɲi ra. Yehowah wo maxilima « wo xa [a] maxandi waxati birin ». (Tɛsaloniki I 5:17.) A gbataxi a tuli matide wo xa kɔntɔfilie nun wo xa maɲɔxunɲie ra (Filipi 4:6). Xa wo sali wo nun wo xa denbaya e e toma nɛ Ala fe findixi nɔndi ra ki naxɛ wo bɛ.

Ala xa fee falafe dangi xanbi, wo lanma wo xa wo tuli mati a ra. Wo nɔma na rabade xa wo Kitaabui xaran anun buki naxee fatanxi Kitaabui ra (Zabur 1:1, 2, TMN). Wo wo maɲɔxun ki fanɲi ra masenɲie ma wo naxee xaranxi (Zabur 77:11, 12, TMN). Wo tuli matife Ala ra na nan na ki fan wo xa siga isayankae malande (Zabur 122:1-4, TMN).

Yehowah xa fe falafe boree bɛ kiraya fanɲi gbɛtɛ nan na ki wo xa wo xa xanunteɲiya xun masa. Wo na rabama ki naxɛ, wo wo masoma a ra na ki nɛ fan (Matiyu 28:19, 20).

WO NƆMA NAXAN NABADE :

  • Wo waxati tongo lɔxɔ yo lɔxɔ alako wo xa Kitaabui xaran anun wo man xa sali

  • Denbaya kui, wo Ala fe rafisa bere bɛ

2 YEHOWAH BATUFE WO XA DENBAYA KUI XA WO RASƐƐWA

KITAABUI NAXAN MASENXI : « Wo wo maso Ala ra, a fan a masoma nɛ wo ra ». (Yaki 4:8.) Wo lanma wo xa bira xun tide n de fɔxɔ ra naxan a niyama wo xa nu Ala batu denbaya kui waxati birin (Fɔlɔɛ 18:19, TMN). Kɔnɔ wo lanma wo xa fe gbɛtɛ raba. Ala lanma a lu wo xa duniɲɛigiri kui. Wo wo xa denbaya xa xanunteya sɛnbɛ xun masa Ala ra xa wo a xa fe fala wo nɛ dɔxɔxi wo xa banxi kui, wo nɛ wo ɲɛrɛma kira xɔn, wo na wo sa anun wo na keli (Sɛriyɛ firinyande 6:6, 7, TMN). Wo na findi wo xa wali ra alo Yosuwe naxan fala : « N tan nun n ma denbaya muxu Yehowah nan batuma ». (Yosuwe 24:15, TMN.)

WO NƆMA NAXAN NABADE :

  • Wo xaranse n dee sugandi naxee nɔma kankan malide wo xa denbaya kui