Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo xa denbaya nɔma ɲaxalinɲi sɔtɔde

 SƐTI 6

Diyɔrɛe nɔma wo xa futi masarade di

Diyɔrɛe nɔma wo xa futi masarade di

« Harige nan na dimɛe ra Yehowah bɛ. » (Zabur 127:3, TMN).

Ɲaxalinɲi nan na di xa bari ra, kɔnɔ wali xɔrɔxɔɛ nan man a ra ginɛ nun a xa xamɛ bɛ. Barimae nɛɛnɛ to wo ra wo nɔma nɛ kaabade xa wo a to wo wo xa waxati gbegbe nun wo sɛnbɛn birin yusima ki naxɛ alako wo xa wo xa di masuxu a fanɲi ra. Wo to mu xima a fanɲi ra anun fe masarɛ nɔma wo tagife n de bade a ra. I tan nun i xa xamɛ xa na mu i xa ginɛ nɔma fe n de rabade alako wo xa wo xa di masuxu a fanɲi ra anun wo xa wo xa futi makanta. Kitaabui xa sɛriyɛe nɔma wo malide di alako wo xa nɔ na kɔntɔfilie raxande ?

 1 WO A FAXAAMU DI NƆMA WO XA DUNIƝA MASARADE KI NAXƐ

KITAABUI NAXAN MASENXI : « Xanunteya a niyama nɛ mixi xa findi mixi diɲɛxi ra, a findi mixi malima ra, a mu xɔnɔma. A mu a yɛtɛ xa geeni fenma ». (Korinti I 13:4, 5.) Ba n ga nɛɛnɛ nan i ra, i xa fe birin i xa di nan a ra. Na waxati i xa xamɛ nɔma a maɲɔxunde a i mu i ya tife a ra a fanɲi ra, i naxa nɛɛmu a i xa xamɛ fan xayi na i ma. Diɲɛ nun fe fanɲiya kui i nɔma nɛ a malide a xa a yɛtɛ tide to anun i xa nɔ i xa di masuxude a fanɲi ra.

« Wo tan fan, xamɛe, [...] wo xa lu lanɲi kui. Wo xa wo bore faxaamu ». (Piyɛri I 3:7.) A faxaamu a i xa ginɛ a xa waxati radangima wo xa di masuxufe ra. Wali nɛɛnɛ bara lu a ma naxan a rataganma a man fa a raxɔnɔ. Lɛɛri n de a nɔma xɔnɔde i ma, kɔnɔ i tan naxa xɔnɔ barima « naxan bɔɲɛ mu tema mafuren fisa xamɛ sɛnbɛma bɛ ». (Taalie 16:32, TMN.) A mato a fanɲi ra, alako a xayi na maliya naxan ma i xa a mali na ra (Taalie 14:29, TMN).

WO NƆMA NAXAN NABADE :

  • Babae : Wo wo xa ginɛ mali di masuxude, hali kɔɛ kui. Wo wali n de dan alako wo xa nɔ waxati gbegbe radangide wo nun wo xa ginɛ anun wo xa di

  • N gae : Xa wo xa xamɛ a fala wo bɛ a xa wo mali di xa fe n de ra, wo tin a xa maliya ra. Xa a mu nɔ a rabade a fanɲi ra, wo naxa wɔyɛn a ma, kɔnɔ wo a masen a bɛ fanɲi kui a nɔma a rabade ki naxɛ

 2 WO WO XA XANUNTEYA XUN MASA

KITAABUI NAXAN MASENXI : « E fa findi keren na ». (Fɔlɔɛ 2:24, TMN.) Hali wo di nɛɛnɛ sɔtɔ wo xa denbaya kui, wo wo ratu a wo nun wo xa xamɛ xa na mu wo xa ginɛ bara « findi keren na ». Wo kata alako lanɲi xa lu naa.

Ginɛe wo xa xamɛe wo mali naxan tima, wo a kolon e bɛ. Wo xa wɔyɛnɲi fanɲie fantanfe e ra nɔma « yalanɲi » fide e ma (Taalie 12:18, TMN). Xamɛe wo a fala wo xa ginɛe bɛ a wo e xanuxi a fanɲi ra anun wo a masen e bɛ a e tide na wo bɛ. Wo e nuwali sa e to debanya masuxuma a fanɲi ra (Taalie 31:10, 28, TMN).

« Mixi naxa a yɛtɛ kan xa munafanɲi gbansan xa fen, a xa a bore xa munafanɲi fan fen » (Korinti I 10:24). I xa xamɛ xa na mu i xa ginɛ waxɔnfe raba lɛɛri birin. Xamɛ nun a xa ginɛ lanma e xa nu wɔyɛn e bore ra, e e bore nuwali sa, e e tuli mati e bore ra keren ni wɔyɛnma. Wo naxa tondi wo bore bɛ kɔɛ. Wo wo bore xayi fan. Kitaabui naxɛ : « Wo naxa tondi wo bore bɛ, fo wo firin na lan a ma ». (Korinti I 7:3-5.) Na ma, wo lanma wo xa na fe xafari a fanɲi ra tinxinɲi kui wo firin tagi. Limaniya nu faxaamui wo xa xanunteya xun masama nɛ.

WO NƆMA NAXAN NABADE :

  • Wo naxa nɛɛmu waxati n de tongode alako wo firin xa lu yire keren

  • Wo fee raba a bɛ naxee nɔma a niyade a xa a kolon a wo a xanuxi alo dugi sarafe a bɛ, sankiri sarafe a bɛ xa na mu se gbɛtɛe

 3 WO WO XA DI RAXARAN

KITAABUI NAXAN MASENXI : « Kabi i dimɛdi tɛmui, i Kitaabui sɛniyɛnxie kolon, naxee nɔma lɔnni fide i ma. Na lɔnni findima kisi nan na mixie bɛ ». (Timote II 3:15.) Wo a mato wo naxan rabama alako wo xa wo xa di raxaran. Fɛɛrɛ rakaabaxi naa a yi a xa xaran, beenun a xa bari. A naa furi kui waxati naxɛ wo xa di nɔma wo xui kolonde a man fa a ramaxa wo furi. Wo nɔma sɛbɛli n de xarande a bɛ a na dimɛdi ra waxati naxɛ. Hali wo naxan xaranma a bɛ a to mu na birin faxaamuma, xa a mɔ xaranɲi rafanma nɛ a ma.

Wo xa di mu xurun Ala xa fe ramɛde. Wo ni Yehowah maxandima wo a lu a xa wo xa sali ramɛ (Sɛriyɛ firinyande 11:19, TMN). Hali wo nɛ berema wo Ala xa daalie xa fe fala a bɛ (Zabur 78:3, 4, TMN). Wo xa di mɔma ki naxɛ a wo xa xanunteya kolonma nɛ fatanfe Ala ra a fan Ala xanufe matinkama nɛ.

WO NƆMA NAXAN NABADE :

  • Wo Ala maxandi a xa lɔnni fi wo ma alako wo xa wo xa di raxaran

  • Wo gbilen wɔyɛnɲi nun maɲɔxunɲi gbengbenɲie fala ra lɛɛri birin wo xa di bɛ alako wo xa a matinka fɔlɔ sinɛɲima