Siga a kui

Siga masenɲie radunkexi tode

Siga a suratunyi radunkexi

Yehowah xa Seedee

Soso xui

Wo xa denbaya nɔma ɲaxalinɲi sɔtɔde

 SƐTI 1

Wo wo ya ti Ala ra alako ɲaxalinɲi xa lu wo xa futi kui

Wo wo ya ti Ala ra alako ɲaxalinɲi xa lu wo xa futi kui

« Fe fɔlɔ fɔlɛ ra Daali Mangɛ naxa xamɛ nun ginɛ daa. » (Matiyu 19:4).

Yehowah * Ala nan futi singe xiri. Kitaabui a masenma won bɛ a a tan nan ginɛ singe daa, na dangi xanbi « a naxa a xanin xamɛ yire ». Adama nu ɲaxalinxi a gbe ra han a naxa a fala : « N xɔri nun n fate na yati ya ». (Fɔlɔɛ 2:22, 23, Traduction du monde nouveau.) Yehowah wama mixi naxee futixi xa sɛɛwɛ sɔtɔ.

Wo nu wo futu wo a maɲɔxunma nɛ a sɛɛwɛ nan tun a ra. Nɔndi ki ma hali xamɛ nun a xa ginɛ e bore xanu ki yo ki fo e gere (Korinti I 7:28). Yi buki lanma kui wo Kitaabui xa sɛriyɛe toma nɛ naa, xa wo e rabatu, wo nɔma nɛ sɛɛwɛ sɔtɔde wo xa futi nun wo xa denbaya kui (Zabur 19:8-11, TMN).

 1 WO TIN WALIE RA YEHOWAH NAXEE SOXI WO YI

KITAABUI NAXAN MASENXI : Xamɛ nan na denbaya kuntigi ra (Efɛsɛ 5:23).

Xa xamɛ nan i ra Yehowah wama i xa i xa ginɛ masuxu ki fanɲi ra (Piyɛri I 3:7). Ala ginɛ daaxi nɛ alako a xa findi i malima ra, Ala wama i xa i xa ginɛ masuxu xanunteya nun binyɛ kui (Fɔlɔɛ 2:18, TMN). I lanma i xa i xa ginɛ xanu ki fanɲi ra i man xa rɛdi a xa munafanɲie sade yare dangife i gbe ra (Efɛsɛ 5:25-29).

Xa ginɛ nan i ra Yehowah wama i xa i xa mɔri binya ki fanɲi ra i man xa a mali i bɔɲɛ birin na a xa walie kui naxee lanxi denbaya raɲɛrɛfe ra (Korinti I 11:3 ; Efɛsɛ 5:33). A nu fe n de yamari a mali na ra i man xa a raba i bɔɲɛ birin na (Kɔlɔsi 3:18). Xa i na raba i Yehowah nun i xa xamɛ raɲaxalinma nɛ (Piyɛri I 3:1-6).

WO NƆMA NAXAN NABADE :

  • I xa xamɛ xa na mu i xa ginɛ maxɔrin a xa a fala i bɛ i nɔma findide mɔri fanɲi xa na mu ginɛ fanɲi ra ki naxɛ. I tuli mati a ra ki fanɲi ra, a nu fe naxan fala i na raba alako wo xa futi xa sɔnɛya

  • Limaniya, fo waxati gbegbe xa dangi alako wo xa nɔ wo bore raɲaxalinde

2 I MAƝƆXUN I XA XAMƐ XA NA MU I XA GINƐ XA XANUNTEYA MA

KITAABUI NAXAN MASENXI : I lanma i xa i xa xamɛ xa na mu i xa ginɛ xa munafanɲi fen (Filipi 2:3, 4). I xa xamɛ xa na mu i xa ginɛ masuxu alo xɛɛma, i ratu a Yehowah wama a batulae xa « findi mixi diɲɛxi ra ». (Timote II 2:24.) « Mixi n dee na naa naxee mu e maɲɔxunma beenun e xa wɔyɛn, e xa wɔyɛnɲie luxi nɛ alo santidɛgɛma ya gbegbe, kɔnɔ lɔnnila xa wɔyɛnɲie yalanɲi fima mixi ma. » Wɔyɛn fanɲie sugandi i naxee falama (Taalie 12:18, TMN). Yehowah i malima nɛ alako i xa wɔyɛn a fanɲi ra xanunteya kui (Galati 5:22, 23 ; Kɔlɔsi 4:6).

WO NƆMA NAXAN NABADE :

  • Ala maxandi a xa i mali alako i bɔɲɛ naxa te anun i xa i xaxili rabi a fanɲi ra beenun i nun i xa xamɛ xa na mu i xa ginɛ xa wɔyɛn xɔrɔxɔɛe fala

  • I maɲɔxun ki fanɲi ra wɔyɛnɲie ma i naxee falama anun i e falama ki naxɛ

 3 WO FIRIN XA WO MAƝƆXUN

KITAABUI NAXAN MASENXI : Wo nu wo futu i nun i xa xamɛ xa na mu i xa ginɛ wo findima « keren nan na ». (Matiyu 19:5.) Kɔnɔ mixi firin nan wo ra ba wo xa maɲɔxunɲi keren mu a ra. Na nan a ra wo xa maɲɔxunɲi nun wo xa marafanɲiya nɔma lande a bore ma ki naxɛ, wo lanma wo xa na matikan (Filipi 2:2). Lanɲi tide naa i nɛ fe n de sugandima. Kitaabui naxɛ : « Naxee marasi fenma, e waxɔnfe fanma nɛ ». (Taalie 20:18, TMN.) Kitaabui xa sɛriyɛe lu na e xa i raɲɛrɛ i nɛ fe n de sugandima (Taalie 8:32, 33, TMN).

WO NƆMA NAXAN NABADE :

  • I xa xanunteya masen i bore bɛ, a naxa findi masenɲi n de xa mu tun na xa na mu maɲɔxunɲie

  • I nun i xa xamɛ xa na mu i xa ginɛ xa wo bore to beenun i xa fe n dee sugandi

^ par. 4 Ala xili Yehowah nan masenxi Kitaabui kui.