Fetela boitsebisong

Fetela ho secondary menu

Lipaki Tsa Jehova

Sesotho (Lesotho)

Hobane’ng Jesu a Bitsoa Mor’a Molimo?

Hobane’ng Jesu a Bitsoa Mor’a Molimo?

Karabo ea Bibele

Molimo ha a na mosali ea neng a ka mo tsoalla bana. Empa ke eena ea ’Mōpi oa lintho tsohle tse phelang. (Tšenolo 4:11) Kahoo, motho oa pele eo Molimo a mo bōpileng, e leng, Adama, o bitsoa “mora oa Molimo.” (Luka 3:38) Ka ho tšoanang, Bibele e ruta hore Jesu o ile a bōptjoa ke Molimo. Ka lebaka leo, Jesu le eena o bitsoa “Mora oa Molimo.”—Johanne 1:49.

Molimo o ile a bōpa Jesu pele ho Adama. Mabapi le Jesu, moapostola Pauluse o ile a ngola a re: “Ke setšoantšo sa Molimo ea sa bonahaleng, letsibolo la pōpo eohle.” (Bakolose 1:15) Bophelo ba Jesu bo ile ba qala nako e telele pele a tsoalloa setaleng Bethlehema. Ha e le hantle, Bibele e re o bile teng “linakong tsa pele, matsatsing a nako e sa lekanyetsoang.” (Mikea 5:2) Joaloka Mor’a Molimo oa letsibolo, Jesu e ne e le motho oa moea leholimong pele a tsoaloa e le motho lefatšeng. Jesu ka boeena o itse: “Ke tsoa libakeng tse holimo.”—Johanne 6:38; 8:23.