Fetela boitsebisong

LA 1 NOVEMBER, 2012
AUSTRIA

Austria e Laeloa ho Lefa Lipaki Tsa Jehova ka Lebaka la ho li Khetholla

Austria e Laeloa ho Lefa Lipaki Tsa Jehova ka Lebaka la ho li Khetholla

STRASBOURG, Fora—Ka la 25 September, 2012 Lekhotla la Europe la Litokelo Tsa Botho le ile la liha kahlolo ea hore ’muso oa Austria o molato oa ho khetholla Lipaki Tsa Jehova ’me la laela ’muso hore o li lefe lieuro tse ka bang 13 000 (lidolara tse 16 600) hore Lipaki li lefe litšenyehelo tsohle tse amanang le nyeoe.

Ka 2002, ’muso oa Austria o ile oa thibela baboleli ba babeli ba Lipaki Tsa Jehova ba tsoang Philippines ho kena naheng eo e le hore ba ka khothatsa Lipaki tsa Austria tse buang Setagalog. Nyeoeng e ’ngoe, ’muso o ne o ile oa laela Lipaki hore li lefe lekhetho la menehelo ea bolumeli oo li ileng tsa e fumana ka 1999. Lebaka la qeto ea ’muso maemong ao ka bobeli, e ne e le hore ho e-na le hore o nke Lipaki Tsa Jehova e le “mokhatlo oa bolumeli,” o tla li talima e le feela “sehlopha sa bolumeli,” e leng mofuta oa bolumeli o ke keng oa nkeloa hloohong. Seo se ile sa etsa hore Lipaki li haneloe ka lintho tse itseng tseo malumeli a mang a maholo a neng a li fumana.

Kahlolo ena ke ea botšelela eo Lekhotla le e ileng la e liha khahlanong le Austria, e leng se tiisang kahlolo e ileng ea lihuoa pejana ho moo ka 2008. Kahlolong ea pele, Lekhotla le ile la etsa qeto ea hore Lipaki li ne li lokela ho nkoa e le “mokhatlo oa bolumeli” “hang-hang” ho latela “nako e telele eo li bileng teng ka eona lefatšeng lohle” le “ho ba teng ka nako e telele” Austria.

Lipaki li lebeletse hore ho hlōla ha tsona Lekhotleng la Europe ho tla sireletsa bolokolohi ba tsona le ho thibela hore li se ke tsa khetholloa, eseng feela molemong oa balumeli-’moho le tsona empa le molemong oa litho tsohle tse naheng e tlas’a Lekhotla la Europe.

Bo-raliphatlalatso:

J. R. Brown, Ofisi ea Boitsebiso, tel. +1 718 560 5000

Austria: Johann Zimmermann, tel. +43 1 804 53 45