Fetela boitsebisong

Sehlopha se Busang sa Lipaki Tsa Jehova ke Eng?

Sehlopha se Busang sa Lipaki Tsa Jehova ke Eng?

Sehlopha se Busang ke sehlopha sa Bakreste ba seng bakae ba hōlileng tsebong ba tataisang Lipaki Tsa Jehova lefatšeng lohle. Mosebetsi oa bona o likarolo li peli:

Sehlopha se Busang se latela mohlala oa “baapostola le banna ba baholo Jerusalema” ba lekholong la pele la lilemo, ba ileng ba etsa liqeto tse nepahetseng bakeng sa phutheho eohle ea Bakreste. (Liketso 15:2) Joaloka banna bao ba tšepahalang, litho tsa Sehlopha se Busang hase baeta-pele ba mokhatlo oa rōna. Ba tataisoa ke Bibele ’me baa lumela hore Jehova Molimo o khethile Jesu Kreste hore e be eena Hlooho ea phutheho.​—1 Bakorinthe 11:3; Baefese 5:23.

Litho tsa Sehlopha se Busang ke bo-mang?

Ho tloha ka January 2015, litho tsa Sehlopha se Busang ke Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson le David Splane. Ba sebeletsa ntlo-khōlō ea rōna e Brooklyn, New York, U.S.A.

Sehlopha se Busang se hlophisitsoe joang?

Sehlopha se Busang se thehile likomiti tse tšeletseng hore li tsamaise likarolo tse fapaneng tsa mosebetsi oa rōna ’me setho ka seng se sebetsa komiting e le ’ngoe kapa tse ’maloa.

  • Komiti ea Bahokahanyi: Komiti ena e sebetsana le linyeoe, likoluoa, maemo ao balumeli-’moho le rōna ba qosoang ka lebaka la seo ba se lumelang le litaba tse ling tse potlakileng tse amang Lipaki Tsa Jehova lefatšeng lohle.

  • Komiti ea Basebetsi: E ikarabella ka ho hlokomela litho tsa lelapa la Bethele.

  • Komiti ea Khatiso: E ikarabella ka ho hatisa le ho romela lingoliloeng tsa Bibele lefatšeng lohle, ho haha liholo tsa ’Muso le tsa likopano, liofisi tsa phetolelo le mehaho ea makala.

  • Komiti ea Tšebeletso: E hlokomela mosebetsi oa ho bolela “litaba . . . tse molemo tsa ’muso.”​—Matheu 24:14.

  • Komiti ea Thuto: E hlophisa mananeo a thupelo ea moea e sebelisa likolo tse fapa-fapaneng, liboka le mananeo a lintho tse mameloang le tse shebelloang.

  • Komiti ea Bongoli: E hlophisa boitsebiso bo likhatisong tsa rōna, Websaeteng hammoho le ho hlokomela mosebetsi oa phetolelo.

Ho ekelletsa moo, litho tsa Sehlopha se Busang li kopana beke le beke e le ho hlahloba litlhoko tsa mokhatlo. Libokeng tsena litho li hlahloba Mangolo, li lumella moea oa Molimo hore o li tataise e le hore li be ntsoe-leng ha li etsa liqeto.​—Liketso 15:25.

Bathusi ba Sehlopha se Busang ke bo-mang?

Ke Bakreste ba tšepahalang ba thusang likomiti tsa Sehlopha se Busang. (1 Bakorinthe 4:2) Ba na le tsebo le boiphihlelo ba mosebetsi o etsoang komiting eo ba abetsoeng ho eona, ’me ba ba teng libokeng tsa beke le beke tsa likomiti tseo. Le hoja ba sa nke karolo ha ho etsoa liqeto, bathusi bana ba fana ka keletso ea bohlokoa le boitsebiso bo eketsehileng, ’me ba sebelisa liqeto tse entsoeng komiting le ho hlahloba khafetsa liqeto hammoho le tsoelo-pele e entsoeng. Sehlopha se Busang se boetse se abela bathusi bana ho fana ka lipuo liketsahalong tse kang liboka tsa selemo le selemo kapa tsa Kabo ea Mangolo ea Gileade.

LETHATHAMO LA BATHUSI

Komiti

Lebitso

Bahokahanyi

  • Ekrann, John

 

Basebetsi

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Khatiso

  • Adams, Don

  • Butler, Robert

  • Corkern, Harold

  • Glockentin, Gajus

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Tšebeletso

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Weaver, Leon, Jr.

 

Thuto

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Bongoli

  • Ciranko, Robert

  • Mantz, James

  • Marais, Izak

  • Myers, Leonard

  • Smalley, Gene

  • van Selm, Hermanus