Fetela boitsebisong

Fetela lethathamong la tse ka hare

Matlo a mekhoro a phuleng ea Tash Rabat

 LINAHA LE BATHO

Ho Etela Kyrgyzstan

Ho Etela Kyrgyzstan

KYRGYZSTAN ke naha e fumanehang Asia Bohareng e pota-potiloeng ke naha ea Chaena, Kazakhstan, Tajikistan le Uzbekistan ’me e ka har’a lithaba tse leqhoa. Boholo ba naha ena ke lithaba. Kyrgyzstan e na le thaba e telele ka ho fetisisa har’a lithaba tsa Tian Shan ’me e bolelele ba limithara tse 7 439. Kyrgyzstan e na le meru e mengata. Kahoo, e na le lifate tse ngata ka ho fetisisa tsa makotomane lefatšeng.

Lipaki Tsa Jehova li ithuta Bibele le batho ba likete ba lulang Kyrgyzstan

Baahi ba Kyrgyzstan ba tsebahala ka ho hlompha le ho amohela baeti. Ba tloaetse ho bua le batho ba baholo ka tlhompho, ho ba suthela setulong koloing ea baeti kapa ba ba fe sebaka se hlomphehang ha ba lutse tafoleng.

Hangata malapa a ba le bana ba bararo kapa ho feta. Mora oa ho fela ke eena ea salang le batsoali e le hore a ba hlokomele ha ba se ba tsofetse esita le ha a se a nyetse.

 Bana ba banana ba rutoa ba sa le banyenyane hore e be basali ba molemo. Ha ba le lilemo li ka bang 16, ba se ba khona ho etsa lintho tsohle ka tlung. Hangata monyaluoa o fuoa limpho. Ba ka mo fa lintho tse apesang bethe, liaparo tsa mefuta le limmete tse entsoeng ka letsoho. Monyali o ntša mahali ka chelete le liphoofolo.

Ha ho e-na le mekete kapa mafu, ho hlajoa nku kapa pere. Nama ea eona ea aroloa ebe karolo ka ’ngoe e fuoa motho ea itseng ka ho khetheha. Batho ba fuoa nama ho latela lilemo le hore na ba na le baeti ba bangata hakae. Tlhompho ke eona e ba tataisang ha ba phetha moetlo ona. Ka mor’a moo, ba ja lijo tseo ba tsebahalang ka tsona e leng beshbarmak. Ba li ja ka letsoho.

Komuz ke seletsa se tloaelehileng