Fetela boitsebisong

Fetela lethathamong la tse ka hare

 SEHLOOHO SE KA NTLE

Na U ka Laola se Etsahalang Bophelong ba Hao?

Na U ka Laola se Etsahalang Bophelong ba Hao?

KE LINTHO life tseo u neng u rera ho li finyella ha u sa le mocha? Mohlomong u ne u batla ho ba le molekane, ho ba le tsebo e itseng kapa ho fumana mosebetsi o tla u thabisa. Empa hase kamehla lintho li etsahalang ho ea kamoo re li rerang kateng bophelong. Mathata a ka fetola ntho e ’ngoe le e ’ngoe. Sena se ile sa etsahalla Anja, Delina le Gregory.

  • Ha Anja oa Jeremane a le lilemo li 21, lingaka li ile tsa mo bolella hore o tšoeroe ke lefu la kankere ’me hona joale o lula a le ka tlung.

  • Delina oa United States, o tšoeroe ke lefu la ho finahana ha mesifa le bitsoang dystonia. Ho phaella moo, o lokela ho hlokomela banab’abo ba bararo ba holofetseng.

  • Gregory oa Canada, o na le boloetse ba ho tšoenyeha.

Ho sa tsotellehe maemo a bona, Anja, Delina le Gregory ba ’nile ba khona ho laola lintho tse etsahalang bophelong ba bona. Joang?

Maele a Bibele a re: “Na u iponahalitse u nyahame letsatsing la mahlomola? Matla a hao a tla fokola.” (Liproverbia 24:10) Sena se bolela hore: Tsela eo u nahanang ka eona ke ea bohlokoa. Batho ba itumellang ho nyahamisoa ke maemo a bona ba sitoa ho etsa liqeto tse tla ba tsoela molemo, empa batho ba tsepamisang likelello linthong tse khothatsang bona ba khona ho etsa liqeto tse nepahetseng le ho thaba, ho sa tsotellehe maemo a bona.

Hlokomela bonnete ba taba ena ho se ileng sa etsahalla Anja, Delina le Gregory.