Fetela boitsebisong

Fetela lethathamong la tse ka hare

Na U Tla Etsa Thato ea Jehova?

Na U Tla Etsa Thato ea Jehova?

Rea leboha hore ebe u iphile nako ea ho hlahloba bukana ena e le hore u tsebe Lipaki Tsa Jehova, mosebetsi oo li o etsang le kamoo mokhatlo oa tsona o sebetsang kateng. Re tšepa hore e u thusitse ho bona hore ke rōna ba etsang thato ea Jehova kajeno. Re u khothalletsa hore u tsoele pele ho ithuta ka Molimo, u bolelle beng ka uena le metsoalle seo u ithutang sona, ’me u kopanele le rōna kamehla libokeng tsa Bokreste.—Baheberu 10:23-25.

Ha u ntse u ithuta ka ho eketsehileng ka Jehova, u tla elelloa hore o u rata e le kannete. Kahoo u tla susumelletseha ho etsa sohle se matleng a hao ho mo bontša hore le uena ua mo rata. (1 Johanne 4:8-10, 19) Empa u ka bontša joang hore u lakatsa ho etsa seo letsatsi le letsatsi? Ke hobane’ng ha ho hlompha melao ea hae ea boitšoaro ho le molemong oa hao? Hona ke’ng e tla u thusa hore u batle ho etsa thato ea Molimo hammoho le rōna? Motho ea u rutang Bibele o tla thabela ho tšohla likarabo tsa lipotso tsena le uena e le hore uena le ba lelapa la hao le ka ‘ipoloka leratong la Molimo ka tebello ea bophelo bo sa feleng.’—Juda 21.

Re u khothalletsa hore u hatele pele tseleng ea ’nete ’me u ithute buka ena e latelang “Le Ipoloke Leratong la Molimo.”