Fetela boitsebisong

U Nahana Hore Bokamoso bo Tla ba Joang?

U Nahana Hore Bokamoso bo Tla ba Joang?

Na boemo ba lefatše . . .

  • bo ke ke ba fetoha?

  • bo tla mpefala?

  • kapa bo tla ntlafala?

 BIBELE EONA E RE’NG?

“Molimo . . . o tla hlakola meokho eohle mahlong a bona, lefu ha le sa tla hlola le e-ba teng, ’me ho siama kapa ho bokolla kapa bohloko ha li sa tla hlola li e-ba teng. Lintho tsa pele li fetile.”​—Tšenolo 21:3, 4, Phetolelo ea Lefatše le Lecha.

HO TSEBA SEE HO KA U THUSA JOANG?

U ka ba le mosebetsi o thabisang le o khotsofatsang.​—Esaia 65:21-23.

U ka phela u sa kule ebile ho se na lintho tse utloisang bohloko.​—Esaia 25:8; 33:24.

U ka phela ka ho sa feleng le ba lelapa le metsoalle le thabile.​—Pesaleme ea 37:11, 29.

 NA KA SEBELE RE KA LUMELA SEO BIBELE E SE BUANG?

E, bonyane ka mabaka a mabeli:

  • Molimo o na le matla a ho phethahatsa seo a se tšepisitseng. Ka Bibeleng, Jehova Molimo ke eena feela ea bitsoang “ea Matla ’Ohle,” kaha o na le matla a sa lekanyetsoang. (Tšenolo 15:3) Ka hona o na le matla a ho phethahatsa tšepiso ea hae ea ho ntlafatsa lefatše. Joalokaha Bibele e bolela, “lintho tsohle lia khoneha ho Molimo.”​—Matheu 19:26.

  • Molimo o labalabela ho phethahatsa seo a se tšepisitseng. Ka mohlala, Jehova o “hloloheloa” ho tsosa bafu.—Jobo 14:14, 15.

Bibele e boetse e bontša hore Jesu, Mor’a Molimo, o ile a folisa batho ba kulang. Ke hobane’ng ha a ile a etsa joalo? Ke hobane o ne a batla ho ba thusa. (Mareka 1:40, 41) Jesu o ile a bonahatsa ka ho phethahetseng botho ba Ntate oa hae ka takatso eo a neng e e-na le eona ea ho thusa batho ba hlokang thuso.—Johanne 14:9.

Kahoo re ka kholiseha hore Jehova le Jesu ba batla ho re thusa hore re thabele bokamoso!—Pesaleme ea 72:12-14; 145:16; 2 Petrose 3:9.

 U KA ’NA UA IPOTSA

Molimo o tla ntlafatsa lefatše joang?

Bibele e araba potso ena ho MATHEU 6:9, 10 le ho DANIELE 2:44.